షారూఖ్ సెల్ఫీ.. క్రేజ్ కంటే కష్టాలే ఎక్కువ...

Posted: 02/16/2017 03:01 PM IST

పాపులారిటీ వచ్చిందని మురిసిపోవటం మాట అటుంచి , వాటి ద్వారా కష్టాలు ఓ రేంజ్ లో ఉంటాయంటూ సెలబ్రిటీలు పలు ఇంటర్వ్యూలలో చెబుతుంటారు కూడా. మిగతా వాళ్లలా స్వేచ్ఛగా ఎంజాయ్ చేయలేకపోతున్నామనేది వారి ఆవేదన. అయితే స్టార్ కాకపోయినప్పటికీ, ఏకంగా సూపర్ స్టార్ తో సెల్ఫీలో పార్ట్ అయిన పాపానికి ఇప్పుడు ఆ అమ్మాయిని చెడుగుడు ఆడేసుకుంటున్నారు.

రెండు వారాల క్రితం రయిస్ ప్రమోషన్ లో భాగంగా షారూఖ్ ఖాన్ ఫుణే వెళ్లాడు. అక్కడ ఓ కాలేజీ అమ్మాయిలతో సరదాగా సెల్ఫీ దిగాడు కూడా. ఆ ఫొటోలో ఎంతోమంది అమ్మాయిలు, అబ్బాయిలు ఉండగా ఆలివ్ గ్రీన్ కలర్ చొక్కా(జంగిల్ కలర్ టీషర్ట్ గా పాపులర్ అయ్యింది) వేసుకున్న అమ్మాయి మాత్రం రౌండప్ చేసి చాలామంది షేర్ చేయడం మొదలుపెట్టారు. నీవెవరు? ఎక్కడ ఉంటావు? అని కామెంట్ పెట్టారు. చివరకి ఆ అమ్మాయి పేరు సైమా హుస్సేన్. జమ్ము రాజధాని శ్రీనగర్ లో డిగ్రీ చదువుతుందని తేలింది. తన ఫొటో ఇలా వైరల్ అవుతున్న విషయం ఈ అమ్మాయికి తెలియదట. ఎవరో ఫ్రెండ్ ఫోన్ చేసి చెప్పగానే షాక్ అయింది సైమా. మరి ఇంత వైరల్‌గా మారిన ఈ అమ్మాయికి ఊరికే వదిలేస్తారా చెప్పండి?

సినిమా ఆఫర్ల సంగతి ఏమోగానీ సోషల్ మీడియాలో ఆ అమ్మాయి ప్రోఫైల్ వెతికి మరీ తెగ మెసేజ్ లు చేస్తున్నారంట. లవ్, మ్యారేజ్ ప్రపోజల్స్ తో ఉక్కిరి బిక్కిరి చేస్తున్నారంట. ఎంతలా అంటే ఆ అమ్మాయి కాలేజీకి వెళ్లి మరీ టార్చర్ పెట్టేంతగా. దీంతో ఓవర్ నైట్ స్టార్ గా మారిపోయిన ఈ సెల్ఫీ మేడ్ ఫిగర్ కి ఎన్ని కష్టాలు వచ్చాయంటూ ఇప్పుడు బాధపడుతున్నారు.