రానా చచ్చినా ఆ పని చేయడంట!

Posted: 03/15/2017 11:28 AM IST

కెరీర్ మొదట్లో ప్చ్.. అబ్బే... అనిపించిన రానా తర్వాత క్రిటిక్స్ నోళ్లను మూయిస్తూ ఎంతో ఎదిగిపోయాడు. బాలీవుడ్; టాలీవుడ్ అండ్ కోలీవుడ్ ఇలా దగ్గుబాటి వారసుడి హవా కొనసాగుతూనే ఉంది. ముఖ్యంగా బాహుబలి మనోడికి తెచ్చిన పేరును సార్థకం చేసుకుంటూ అవకాశాలను అందిపుచ్చుకుంటున్నాడు. అయితే కెరీర్ మొదట్లో చేసినట్లుగా తనకు సూట్ కానీ సబ్జెక్ట్ ల జోలికి పోకుండా డిఫరెంట్ సబ్జెక్ట్ లనే ఎంచుకుంటూ ఆకట్టుకుంటున్నాడు.

అయితే మూడు భాషల్లో చేస్తున్న రానాకు ఓ కొత్త సమస్య మాత్రం వచ్చి పడుతుందంట. అదే ఇంటి సమస్య. పుట్టి పెరిగిన ఊరు కావటంతో చెన్నై ఇతగాడికి కొత్తేం కాదు. అల్రెడీ అక్కడ దగ్గుబాటి వాళ్లకు ఓ ఇళ్లు ఉంది. ఇక హైదరాబాద్ సంగతి సరే సరి. మిగిలింది ముంబై మరి అక్కడ షూటింగ్ ల సమయంలో ఎక్కడ ఉంటాడని అడిగితే ఏం చెబుతున్నాడో తెలుసా?

షూటింగ్ సమయంలో హోటళ్లలో ఉండటం కంటే తాను ఓ అపార్ట్ మెంట్ ను అద్దెకు తీసుకుని ఉండటమే సేఫ్ అని భావిస్తాడంట. అయితే ఆ సమయంలో ఫుడ్ మాత్రం తనకు చాలా ఇబ్బంది అవుతుందని చెబుతున్నాడు. ప్రస్తుతం బాంద్రాలో ఓ ఫ్లాట్ లో ఉంటున్నాడంట. అసలీ బాధలెందుకు ఎలాగూ నేషనల్ స్టార్ అయిపోయావ్ కదా? మిగతా స్టార్ హీరోల్లా ఎంచక్కా కొత్తది కొనుకోవచ్చు కదయ్యా అంటే.. వామ్మో! ముంబైలో ఫ్లాట్ లు చాలా కాస్ట్ లీ, నాలాంటి వాళ్లకు వాచీపోతుంది అంటూ ఎటకారంగా ఓ ఆన్సర్ ఇచ్చాడు. అయితే అద్దె కొంపకు ప్రాధాన్యం ఇవ్వటం వెనుక వేరే రీజన్ ఏదైనా ఉందా? అని లొసుగులు వెతికే పనిలో పడ్డారు ఇప్పుడు కొందరు.