నవాజుద్దీన్ సిద్ధిఖీ అసలు మతం ఏంటంటే...

Posted: 04/24/2017 04:20 PM IST

Nawazuddin siddiqui reveals his true religion

కళకు కుల, మత, భాష తారతమ్యాలు ఉండవంటూ కొందరు నటులు పలు సందర్భాలలో చెప్పటం చూశాం. ఉరి దాడి తర్వాత పాకిస్థాన్ నటులను బ్యాన్ చేయాలంటూ ఓ రాజకీయ పార్టీ చేసిన రణరంగం గుర్తుండే ఉంటుంది. అయితే మ‌తాల పేరుతో కొట్టుకు చ‌స్తున్న మ‌నుషుల‌కు త‌న‌దైన రీతిలో ఎమోషనల్ సందేశాన్ని ఇచ్చాడు నటుడు నవాజుద్దీన్ సిద్ధిఖీ.

డీఎన్ఏ టెస్ట్ చేయించుకున్నాన‌ని, అందులో ఏం తేలిందంటే అన్న ప్ల‌కార్డుతో ఈ వీడియో మొద‌ల‌వుతుంది. తాను తాను 16.66 శాతం హిందువుని అన్న ప్ల‌కార్డు ప‌ట్టుకొని ప‌క్కా హిందువు రూపంలో అత‌ను క‌నిపిస్తాడు. ఆ త‌ర్వాత 16.66 శాతం ముస్లింన‌ని ముస్లిం రూపంలో.. ఇలా ప్ర‌తి మతం ప్ల‌కార్డుతోపాటు అదే వేష‌ధార‌ణ‌లో క‌నిపిస్తాడు న‌వాజ్‌. చివ‌ర్లో తాను 100 శాతం ఆర్టిస్ట్‌న‌న్న ప్లకార్డుతో వీడియో ముగుస్తుంది.

ఒక్క మాట కూడా లేని ఈ వీడియోలో ప్ల‌కార్డుల సాయంతోనే త‌ను అనుకుంటున్న‌ది స్ప‌ష్టంగా వివ‌రించే ప్ర‌య‌త్నం చేశాడు. మత ఛాందస్సులకు చెంప పెట్టులా ఉన్న ఈ వీడియో ఇప్పుడు నెట్‌లో వైర‌ల్ అయింది. అత‌ని అభిమానుల‌నే కాదు.. నెటిజ‌న్లంద‌రినీ ఆక‌ట్టుకుంటున్న‌ది. ప్రస్తుతం శ్రీదేవీ మామ్ తోపాటు మరో మూడు చిత్రాల్లో ఈ విలక్షణ నటుడు నటిస్తున్నాడు.