టీజర్ టాక్: శమంతకమణి ఆడేసుకుంటుందిగా...

Posted: 06/15/2017 11:55 AM IST

మరో మల్టీస్టారర్ మూవీ టీజర్ వచ్చేసింది. నారా రోహిత్, ఆది, సందీప్ కిషన్, సుధీర్ బాబు హీరోలుగా భలే మంచి రోజు ఫేమ్ శ్రీరాం ఆదిత్య దర్శకత్వంలో రూపొందించిన చిత్రం శమంతకమణి. భవ్య క్రియేషన్స్ పై వీ. ఆనంద్ ప్రసాద్ నిర్మిస్తున్నాడు.

 

ఆ మధ్య ఒక్కో హీరోల ఫస్ట్ లుక్ రిలీజ్ చేసి టీజర్ ఎప్పుడో చెప్పాలంటూ ఓ కంటెస్ట్ కూడా నిర్వహించారు. ఇప్పుడు సర్ ప్రైజ్ గా దానిని రిలీజ్ చేసేశారు. నారా రోహిత్ పోలీసాఫీసర్ క్యారెక్టర్ చూపించేసి ఈ శమంతకమణి ఏంట్రా.. నాతో ఆడేసుకుంటుందని డైలాగ్ చెప్పించేశాడు. తర్వాత కంప్లీట్ గా సస్పెన్స్ ఎలిమెంట్స్ చూపించేశారు. చివర్లో నటకిరీటి రాజేంద్ర ప్రసాద్ శమంతకమణా? ఆవిడెవరు సార్ అనగానే.. చెంప పగిలే సన్నివేశంతో ముగించేశారు.

మ్యూజిక్ ను మణిశర్మ అందించగా, టీజర్ లో బ్యాగ్రౌండ్ స్కోర్ ఆకట్టుకుంది. చూస్తుంటే మరో ఇంట్రెస్టింగ్ అండ్ థ్రిల్లింగ్ డ్రామా తో యంగ్ డైరక్టర్ రాబోతున్నట్లు అర్థమౌతోంది. జులై చివరి వారంలో శమంతకమణి రిలీజ్ అయ్యే ఛాన్సుంది.