సాహో కథ నేపథ్యం నిజమేనా?

Posted: 10/12/2017 06:37 PM IST

యంగ్ రెబల్ స్టార్ ప్రభాస్ సుజీత్ దర్శకత్వంలో సాహో చిత్రం తెరకెక్కుతున్న విషయం తెలిసిందే. యూవీ క్రియేషన్స్ బ్యానర్ పై రూపొందుతోన్న ఈ సినిమా షూటింగ్, నిన్నమొన్నటివరకూ హైదరాబాద్ పరిసరప్రాంతాల్లో జరిగింది. రీసెంట్ గా ఫస్టు షెడ్యూల్ ను పూర్తి చేసుకున్న ఈ సినిమా, రెండవ షెడ్యూల్ కి రెడీ అవుతోంది.

ఇక ఈ చిత్ర కథ గురించి మొదట్లో పెద్ద పుకారే నడిచింది. టీజర్ చివర్లో రాకెట్ల మాదిరి వాటిని ఉపయోగించటంతో సైంటిఫిక్ మూవీ అని అంతా అనుకున్నారు. అయితే అది ఆ జోనర్ కాదని చిత్ర యూనిట్ తర్వాత క్లారిటీ ఇచ్చింది. ఇక ఇప్పుడు మరో జోనర్ అంటూ టాక్ బయలుదేరింది. పునర్జన్మ నేపథ్యంలో సాహో తెరకెక్కుతోందని చెబుతున్నారు. స్వాతంత్ర్యానికి ముందు.. తర్వాత ఇలా రెండు వేరు వేరు కాలాల్లో ఈ కథ కొనసాగుతుందని చెబుతున్నారు.

బ్రిటీష్ వారి కాలంలో షూటింగ్ చేయవలసి రావడం వల్లనే, భారీ బడ్జెట్ అవుతుందని అంటున్నారు. తెలుగుతో పాటు తమిళ .. హిందీ భాషల్లో రూపొందిస్తోన్న ఈ సినిమాలో, కథానాయికగా శ్రద్ధా కపూర్ నటిస్తోందనే సంగతి తెలిసిందే. మరి ఈ విషయంలో ఎంత వరకు నిజం ఉందో తెలియాలంటే చిత్ర టీం తరపునుంచే క్లారిటీ రావాలి.