ఛలో ప్రీ రిలీజ్ కి చిరు చీఫ్ గెస్ట్

Posted: 01/24/2018 03:28 PM IST

యువ కథానాయకులలో నాగశౌర్యకి యూత్ లో మంచి క్రేజ్ ఉన్నప్పటికీ... గత కొంత కాలంగా సక్సెస్ రేటు లేకుండా పోయింది. తాజాగా శౌర్య హీరోగా 'ఛలో' చిత్రం తెరకెక్కింది. వెంకీ కుడుముల దర్శకత్వం వహించిన ఈ సినిమాలో, కన్నడ క్రేజీ బ్యూటీ రష్మిక మందన కథానాయికగా నటించింది.

ఇక ఈ సినిమా ప్రీ రిలీజ్ ఈవెంట్ ను 25వ తేదీ సాయంత్రం 6:30 గంటలకు జరపనున్నారు. హైదరాబాద్ - యూసఫ్ గూడాలోని పోలీస్ గ్రౌండ్స్ లో ఈ వేడుకను నిర్వహించనున్నారు. ఈ ఫంక్షన్ కి ముఖ్య అతిథిగా చిరంజీవి హాజరవుతూ ఉండటం విశేషం. చిత్ర రషెస్ చూసిన చిరుకి చిత్రం తెగ నచ్చటంతో హాజరయ్యేందుకు వస్తున్నాడంట.

 

నాగశౌర్య సొంత బ్యానర్ పై రూపొందిన ఈ సినిమాకి, మణిశర్మ తనయుడు సాగర్ మహతి సంగీతాన్ని అందించారు. ఆయన అందించిన బాణీలు ఈ సినిమాకి ప్రత్యేక ఆకర్షణగా నిలుస్తాయని అంటున్నారు. తెలుగు-తమిళ సరిహద్దు గొడవ కాన్సెప్ట్ తో కామెడీ ఎంటర్ టైనర్ గా తెరకెక్కిన ఈ చిత్రం హిట్ అయి తీరుతుందని శౌర్య ఆశాభావం వ్యక్తం చేస్తున్నాడు.