విక్రమ్ తో కలసి యూరప్ కి కీర్తి సురేశ్

Posted: 05/21/2018 05:53 PM IST

Vikram and keerthy suresh to head to europe for saamy 2

విక్రమ్ హీరోగా నటించిన సామి చిత్రం బాక్సాఫిసు బద్దలు కోట్టిన నేపథ్యంలో అదే దర్శకుడి సారథ్యంలో సామి చిత్ర సీక్వెల్ ప్రస్తుతం షూటింగ్ జరుపుకుంటుందన్న విషయం తెలిసిందే. హరి దర్శకత్వంలో 'సామి 2' సినిమా రూపొందిస్తున్న క్రమంలో ఈ చిత్రంలో హీరోయిన్ గా నటిస్తున్న కీర్తి సురేష్.. యూరోప్ వెళ్లుందట. నటి త్రిష కూడా ఈ చిత్రంలో హీరోయిన్ గా నటిస్తున్న నేపథ్యంలో కీర్తి సురేష్ ఏ ప్రాత పోషిస్తుంది.? ఈ ప్రశ్నలు పక్కనబెడితే.. ఈ చిత్ర హీరో విక్రమ్ తో కలసి కీర్తి సురేష్ యూరోప్ వెళ్లనుంది.

ఎందుకోసం అనుకుంటున్నారు.. ఈ చిత్రానికి సంబంధించిన ఓ డ్యూయట్ పాటను చిత్రీకరించేందుకని సినీ బృందం యూరోప్ పర్యటించనున్నారు. ఈ సాంగ్ ఈ సినిమా హైలైట్స్ లో ఒకటిగా నిలుస్తుందని అంటున్నారు. పోలీస్ ఆఫీసర్ పాత్రలో విక్రమ్ కనిపించే ఈ సినిమా, భారీ యాక్షన్ ఎంటర్టైనర్ గా నిర్మితమవుతోందని చిత్ర నిర్మాణ వర్గాలు చెబుతున్నాయి.

గతంలో హరి .. విక్రమ్ కాంబినేషన్లో వచ్చిన 'సామి' సినిమాకి ఇది సీక్వెల్. ప్రస్తుతం ఈ సినిమా షూటింగ్ 'కారై కుడి'లో వేసిన ప్రత్యేకమైన సెట్లో జరుగుతోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. విక్రమ్ కి .. కీర్తి సురేశ్ కి తెలుగులోనూ మంచి క్రేజ్ ఉండటం వలన, తెలుగులోనూ ఈ సినిమాను విడుదల చేయనున్నారు. అయితే ఇటీవల పెద్దగా హిట్ చిత్రాలు లేని విక్రమ్ అశలన్నీ ఈ చిత్రంపైనే వుండగా, మహానటి చిత్రంతో దూసుకుపోతున్న కీర్తి.. ఇమేజ్ ఈ చిత్రానికి ఎంతలా దోహదపడుతుందో చూడాలి.