రూల్స్ పక్కనబెట్టి.. మూర్తన్న సంతోషపర్చిన చిరు.!

Posted: 05/22/2019 08:26 PM IST

టాలీవుడ్ మెగాస్టార్ చిరంజీవి ఆహార్యంతో పాటు ఆహారం విషయంలో కూడా తనదైన పరిధులను పాటిస్తారన్న విషయం సినీ అభిమానులకు తెలియంది కాదు. అభిమానులను నిత్యం ఎంతో ఎనర్జిటిక్ గా అలరించే చిరంజీవి ఫిట్ నెస్ కోసం తీసుకునే శ్రధ్దలో భాగమే ఇది. అయితే పీపుల్స్ స్టార్ ఆర్.నారాయణమూర్తి కోసం ఆయన తన రూల్స్ ని సైతం పట్టించుకోలేదు. ముర్తన్న మీద గౌరవంతో ఆయిల్ ఫుడ్ అని కూడా చూడకుండా పకోడీ తినేశారు.

అదేంటి పకోడి తినడం కూడా గోప్పే అంటే.. మెగాస్టార్ విషయంలో మాత్రం ఇది గొప్పే. ఎందుకంటే.. బయటకి వెళ్లారంటే ఎంత ఆకలిగా ఉన్నా.. ఆయన ఏమి తినరు. అంతగా కాదనుకుంటే మంచినీళ్లను మాత్రం అస్వాదిస్తారు. అంతగా డైట్ మెయింటైన్ చేసే మెగాస్టార్ తో పీపుల్స్ స్టార్ పకోడి తినిపించి ఆశ్చర్యపరిచారు. అసలు వివరాల్లోకి వెళితే. ఆర్.నారాయణమూర్తి లేటెస్ట్ చిత్రం ‘‘మార్కెట్ లో ప్రజాస్వామ్యం’’ ఆడియో వేడుక హైదరాబాద్ ప్రసాద్స్ ల్యాబ్స్ లో జరిగింది.

ఈ వేడుకకు చిరంజీవి ముఖ్య అతిధిగా వెళ్లారు. అయితే అక్కడికి వచ్చిన అతిధులకు స్నాక్స్ ఇస్తున్నారు. ఈ సమయంలో నారాయణమూర్తిని చిరంజీవికి పకోడీ ఇచ్చారు. ఆయన తినే వరకు పక్కనే ఉన్నారు. ఈ దృశ్యమంతా అక్కడ ఉన్న వారికి సరికొత్త .అనుభూతిని ఇచ్చింది. ఫై స్టార్ రేంజ్ లో ఫుడ్ మెయింటైన్ చేసే మెగాస్టార్ ఇలా ముర్తన్న ఆప్యాయంగా ఇచ్చిన పకోడీని తినడం విశేషం. ఇందుకు సంబంధించిన ఫోటోలు సోషల్ మీడియాలో తెగ వైరల్ అవుతున్నాయి.