బొమ్మరిల్లు భాస్కర్ దర్శకత్వంలో అఖిల్ చిత్రం లాంచ్

Posted: 05/24/2019 08:29 PM IST

అక్కినేని యువవారసుడిగా చిత్రరంగంలోకి అడుగుపెట్టి ఇప్పటికే రెండు చిత్రాలను ప్రేక్షకుల ముందుకు తీసుకువచ్చినా.. అవి ఆశించినంతగా బాక్సాఫిసు వద్ద సందడి చేయకపోవడంతో.. తనకు ఒక చక్కని బ్రేక్ కావాలని వేచిచూస్తున్న హీరో అక్కినేని అఖిల్. ఇదే పరిస్థితులను ఎదుర్కొన్న అక్కినేని నాగ చైతన్యను గీతా అర్ట్స్ బ్యానర్ లో నిర్మించిన ‘100% లవ్’ చిత్రం మంచి సక్సెస్ ను అందించింది. తాజాగా మజిలి చిత్రం నాగచైతన్య కెరీర్ లోనే ది బెస్ట్ చిత్రంగా మారింది.

ఇక దీంతో అక్కినేని అఖిల్ కూడా మంచి సక్సెస్ అందించేందుకు గీతా అర్ట్స్ 2 బ్యానర్ రెడీ అవుతోంది. ఇందులో భాగంగా రూపోందుతున్న తాజా చిత్రం ఇవాళే సెట్స్ పైకి వెళ్లింది.
'బొమ్మరిల్లు' భాస్కర్ దర్శకత్వంలో ఓ సినిమా సెట్స్ పైకి వెళ్లనుందనే టాక్ చాలా రోజులుగా వినిపిస్తోంది. ఈ ప్రాజెక్టు ఎప్పుడు పట్టాలెక్కుతుందా అని అభిమానులంతా ఎంతో ఆత్రంగా ఎదురుచూస్తుండా.. ఆ శుభతరుణం, శుభసమయం, శుభముహూర్తం రానే వచ్చింది. హైదరాబాద్ - ఫిల్మ్ నగర్లోని 'దైవసన్నిధానం'లో కొంత సేపటి క్రితం ఈ చిత్రం పూజా కార్యక్రమాలను జరుపుకుంది.

గీతా ఆర్ట్స్ 2 బ్యానర్ పై బన్నీవాసు ఈ సినిమాను నిర్మిస్తున్నాడు. నాగార్జున - అమలతో పాటు దర్శక నిర్మాతలు ఈ కార్యక్రమానికి హాజరయ్యారు. గోపీసుందర్ ఈ సినిమాకి సంగీతాన్ని అందించనున్నాడు. త్వరలోనే ఈ సినిమా ఫస్టు షెడ్యూల్ షూటింగ్ మొదలుకానుంది. ఈ షెడ్యూల్ పూర్తయ్యేలోగా కథానాయికల ఎంపిక జరగనుందని అంటున్నారు. అఖిల్ చేసిన మూడు సినిమాలు అభిమానులను నిరాశ పరిచాయి. అందువలన వాళ్లంతా ఈ సినిమాపైనే ఆశలు పెట్టుకున్నారు. 

Allu Aravind presents @AkhilAkkineni8 's #Akhil4 #GA2 Production no 5 Launched Today!

Directed by #BommarilluBhaskar
Music by #GopiSunder
Cinematography by #VManikandan
Produced by #BunnyVas & #VasuVarma Under @GA2Official pic.twitter.com/l46lIF9Nt7

— Geetha Arts (@GeethaArts) May 24, 2019