‘భీష్మ’తో డబుల్ జోష్.. నితిన్ కు బన్ని మెసేజ్.!

Posted: 02/24/2020 04:51 PM IST

హీరో నితిన్ నటించిన ‘భీష్మ’ చిత్రం అంచనాలకు మించి బాక్కాఫీసు వద్ద దూసుకుపోతుండటంతో.. స్టైలిష్ స్టార్ అల్లు అర్జున్ నితిన్ కు చక్కని సందేశం పంపారు. వరుసగా ఫ్లాప్ తన ఖాతాలో వేసుకున్న నితిన్.. భీష్మ విడుదల నేపథ్యంలో పాటు అటు తన స్నేహితురాలు శాలినీతో నిశ్చయ తాంబులాలు కూడా తీసుకుని.. ఏప్రిల్ మాసంలో పెళ్లిపీటలు ఎక్కుతున్న విషయం తెలిసిందే. ఈ క్రమంలో బన్ని నితిన్ ఉద్దేశించి ఓ మెసేజ్ పెట్టాడు."డబుల్ కంగ్రాచ్యులేషన్స్ నితిన్. ఇక నీ పెళ్లి వేడుకలు డబుల్ జోష్ లో సాగుతాయి. మంచి టైమ్ వస్తే, అంతా మంచిగానే జరుగుతుంది. నీకు అంతా మంచే జరగాలి. అని తొలుత కామెంట్ పెట్టారు.

ఆ తరువాత అల్లు అర్జున్ తన ట్విట్టర్ ఖాతాలో మరో మెసేజ్ పెడుతూ.. " ఓ మంచి కమర్షియల్ ఎమోషనల్ ఎంటర్ టెయినర్ ను అందించినందుకు డైరెక్టర్ వెంకీకి కంగ్రాచ్యులేషన్స్. రష్మికకు, నా నిర్మాత వంశీకి శుభాకాంక్షలు. 2020 జనవరి, ఫిబ్రవరి మీకు గొప్పగా ఉంటుంది. మరోసారి అందరికీ కంగ్రాట్స్..  'భీష్మ' టీమ్ మొత్తాన్ని నేను అభినందిస్తున్నా" " అని ట్వీట్ పెట్టారు. అయితే ఈ ట్వీట్ పై ఇంకా నితిన్ స్పందించలేదు. ఆయన ఎలా స్పందిస్తారో వేచిచూడాలి.

Double Congratulations @actor_nithiin . Now the wedding celebrations will happen with double josh. Best thing happened at the best time . Really happy for you . I Congratulate the entire Cast & Crew of #Bheeshma .

— Allu Arjun (@alluarjun) February 24, 2020