చిరంజీవికి డాన్స్ పాఠాలు నేర్పిన చిన్నారి డాన్స్ మాస్టార్..

Posted: 04/28/2020 08:39 PM IST

కవి గారి ఇంటి మీద వాలిన కాకి కూడా కవిత్వం చెప్పగలదని నానుడి అలాంటిది తమ జీన్స్ లోనే నటన, డాన్స్ వున్న చిన్నారికి మంచి మ్యూజిక్ వినబడితే అలోచిస్తారా.. లేక మైమరచి డాన్స్ వేస్తారా.? అంటే రెండవదే చేస్తారని ఎవరైనా ఠకీమని చెప్పేస్తారు. అలాంటిది ఏకంగా టాలీవుడ్ మెగాస్టార్ చిరంజీవి మనవరాలు నవిష్క ఏడాది వయస్సులో తమ ఇంట్లో చిరంజీవితో కలసి మి మి మిమిమి యు అండ్ మి అనే పాటకు ఆ చిన్నారి టీవీలో వస్తున్న పాటకు అనుగూణంగా డాన్స్ వేయడంతో పాటు ఏకంగా చిరంజీవికే ఈ పాటపై ఎలా డాన్స్ చేయాలో అన్న విధంగా మూమ్ మెంట్స్ నేర్పుతున్నట్లు వుంది.

లాక్‌డౌన్‌తో షూటింగ్స్ లేక ఇంటి వద్దనే ఉంటున్నారు మెగాస్టార్ చిరంజీవి. దీంతో ఇంట్లో పనులూ చేస్తూ.. మొన్న అబ్బుర పరిచిన చిరు.. ఇప్పుడు మనవరాలితో కలిసి చిన్న చిన్న స్టెప్పులు వేశారు. ఏడాది వయసున్న తన మనవరాలు నవిష్కను ఆటపట్టిస్తూ.. ఆ చిన్నారితో పాటు డ్యాన్స్‌ చేస్తున్న వీడియోను మెగాస్టార్ తన ట్విట్టర్‌ అకౌంట్‌లో ట్వీట్ చేశారు. ‘ఖైదీ నెంబర్.150’ సినిమాలోని ఓ పాటకు డ్యాన్స్ చేస్తూ కనిపించారు.

ఈ వీడియోలో తన మనవరాలు నవిష్కను ఒడిలో కూర్చోపెట్టుకొని, తనను ఏ పాట కావాలని చిరంజీవి అడగగా.. దానికి ‘మీమీ’ అంటూ ముద్దుగా చెప్పింది నవిష్క. ఎప్పుడూ అదే పాటేనా మరోకటి విందామని ఆ బుజ్జాయితో చెప్పగా, బుంగబూతి పెట్టుకుని ఏడవడం ప్రారంభించింది. వెంటనే సముదాయించి.. టీవీలో ‘మిమ్మీ మిమ్మిమ్మీ’ సాంగ్‌ని ప్లే చేశారు చిరు. అప్పుడు ఆనందంతో గంతులు వేసింది నవిష్క. తనతో పాటే.. చేతులూ కదుపుతూ డ్యాన్స్ చేశారు మెగాస్టార్. అయితే ఈ పాటని మధ్యలో ఆపి మనవరాలిని ఆటపట్టించారు చిరు.

Always amazed @ the power of music.Just over 1 yr & how this little kid enjoyed music & tried doing dance moves is sheer bliss.Paused & played music 2 see she was really loving it.పాట నాది కాబట్టి,అమ్మమ్మ సురేఖ దగ్గర క్రెడిట్ నాకే #PreLockdownMoments #Throwbackvideo #navishka_k pic.twitter.com/znNOyMY0MB

— Chiranjeevi Konidela (@KChiruTweets) April 28, 2020