Posted: 02/08/2012 06:10 PM IST

ప్రముఖ డాన్స్ మాస్టర్, డైరెక్టర్ ప్రభుదేవా తండ్రి బండారం ఒకటి బయటపడింది. ఇన్ని రోజులు ప్రభుదేవా తన మొదటి భార్యకు విడాకులు ఇస్తున్నప్పుడు చూస్తున్న ఊరుకున్న అతని తండ్రి సుందరం మాస్టర్ బండారమే బయటపడింది. తాను కూడా అప్పట్లో రహస్య వివాహం చేసుకున్నాడని, అతనికి ఓ కుమారుడు కూడా ఉన్నాడనే విషయం బయటపడింది.

అసలు విషయం ఏంటంటే... ప్రముఖ నృత్య దర్శకుడు సుందరం అప్పట్లో ఆయన ప్రముఖ నృత్య దర్శకురాలు తారను రహస్య వివాహం చేసుకున్న విషయం గుట్టు రట్టైంది. ఆమె ఆయన నుంచి తనకు భరణం ఇప్పించాలని కోరుతూ చెన్నై కుటుంబ న్యాయస్థానంలో పిటిషన్‌ దాఖలు చేశారు. సినిమాలకు నృత్య దర్శకుడిగా పని చేస్తున్నప్పుడు సుందరం దగ్గర ఆమె సహాయకురాలిగా వ్యవహరించేవారు. ఆ సందర్భంలో తారకు సుందరం మాస్టరు తాళి కూడా కట్టాడట. ఈ వ్యవహారం ఇన్ని రోజులు బయటకు రాలేదు. నిన్న ఆమె కోర్టులో ఓ పిటీషన్ దాఖలు చేయడంతో ఈ గుట్టు రట్టయింది.

తార దాఖలు చేసిన పిటిషన్‌లో ''1964-72 మధ్య సుందరం నాతో సన్నిహితంగా ఉండేవారు. ఆయన దగ్గర నేను సహాయకురాలిగా వ్యవహరించా. మాకు 1970లో వివాహం జరిగింది. ఏడాది తరవాత ఓ బాబు జన్మించాడు. ఇందుకు ఆ శిశువు జనన, పాఠశాల ధ్రువీకరణ పత్రాలే సాక్ష్యం. తరవాత నుంచీ ఆయన నాకు దూరమవుతూ వచ్చారు. వివాహం గురించి బయట ఎక్కడా చెప్పొద్దని కూడా హెచ్చరించారు. తరవాత రెండో పెళ్లి చేసుకున్నారు. ప్రస్తుతం ఆయన ఆస్తి విలువ రూ.వంద కోట్లు. గతంలో నన్ను ఇబ్బంది పెట్టినందుకు రూ.ఐదు కోట్లు,భవిష్యత్తులో ప్రతి నెలా రూ.75 వేల చొప్పున భరణం చెల్లించేలా ఆదేశాలు జారీ చేయమని పేర్కొన్నారు.

అయితే ఈ విషయం తెలిసిన తరువాత అందరు ఒక్కసారి షాక్ కి గురయ్యారు. సుందరం మాస్టరి గారి దగ్గరి సోగ్గాడి బుద్దులు బాగానే ఉన్నాయని, అందుకే కొడుకు కూడా అదే బాటలో నడుస్తుంటే ఒక బాధ్యత గల తండ్రిగా వారించలేకపోయాడని అందుకే ప్రభుదేవా మొదటి భార్యకు విడాకులు ఇచ్చాడని అనుకుంటున్నారు. ఇప్పుడు కొడుకు ప్రభుదేవా కూడా నయన ‘తార’ అనే పేరుగల పిల్లనే పట్టాడని ఈ తండ్రీ కొడుకులు ‘తార’లతో తనివి తీర ఎంజాయ్ చేశారని తీరా వదిలేస్తున్నారని అనుకుంటున్నారు.