Posted: 04/06/2012 04:38 PM IST

దక్షిణ భారతదేశానికి చెందిన ప్రముఖ నటుడు. పలు తెలుగు, తమిళ సినిమాల్లో నటించాడు. తెలుగు సినిమా శివపుత్రుడు తమిళ మూలమైన పితామగన్ చిత్రానికి గాను జాతీయ ఉత్తమ నటుడిగా అవార్డు అందుకున్నాడు. చదువుకోసం చెన్నై లో ఉన్నప్పుడు హాలీవుడ్ సినిమాలు పిచ్చిగా చూసేవాడు.

చిన్నప్పటి నుంచి చదువు మీద కన్నా ఇతర వ్యాపకాల మీద ఎక్కువగా సమయం గడిపేవాడు. కరాటే, ఈత పోటీల్లో ప్రథముడిగా నిలిచేవాడు. గిటార్, పియానో వాయించడం నేర్చుకున్నాడు. తరచూ నాటకాల్లో నటించేవాడు. తెలుగులో ఆయన మొదటి సినిమా చిరునవ్వుల వరమిస్తావా. అయితే ఆ సినిమా కొన్ని కారణాల వలన ఇప్పటికీ విడుదల కాలేదు. దాసరి నారాయణరావు దర్శకత్వం వహించిన బంగారు కుటుంబం సినిమాలో అక్కినేని నాగేశ్వరరావు తో కలిసి నటించడం ఒక గొప్ప అనుభూతి నిచ్చిందని చెబుతారాయన.

‘నన్‌బన్’ (తెలుగులో ‘స్నేహితుడు’) చిత్రం తర్వాత దర్శకుడు శంకర్ తమిళ, హిందీ,తెలుగు భాషల్లో విక్రమ్ కథానాయకుడిగా భారీ చిత్రాన్ని నిర్మించడానికి సన్నాహాలు చేస్తున్న విషయం తెలిసిందే. ఈ సినిమాలో బాలీవుడ్ అగ్ర కథానాయిక నటించబోతోందని గత కొంతకాలంగా ఊహాగానాలు వినిపిస్తున్నాయి. తాజా సమాచారం ప్రకారం ఈ చిత్రంలో బాలీవుడ్ ముద్దుగుమ్మ దీపికా పదుకొనే కథానాయికగా నటించనున్నట్లు తెలిసింది.

దీపికా పదుకునే తమిళంలో రజనీకాంత్ సరసన ‘కొచ్చాడయాన్’ చిత్రంలో నటిస్తోన్న విషయం తెలిసిందే. దక్షిణాది ప్రేక్షకుల్లో దీపికాకు యమా క్రేజ్ వుందని అందుకే అగ్ర దర్శకులు ఆమెను హీరోయిన్‌గా నటింపజేయడానికి ఎక్కువ ప్రాధాన్యతనిస్తున్నారని చైన్నై సినీ వర్గాలు అంటున్నాయి. అయితే శంకర్ సినిమాలో దీపికా పదుకునే హీరోయిన్‌గా కన్‌ఫర్మ్ కాలేదని ఆమె సన్నిహిత వర్గాలు అంటున్నాయి. ‘శంకర్‌లాంటి అగ్ర దర్శకుడి చిత్రంలో చేయడానికి దీపికా సిద్ధంగా వుంది. అయితే ఈ సినిమా డేట్స్ సంబంధించిన చర్చలు ఇంకా జరుగుతున్నాయి. త్వరలోనే అన్ని విషయాల్ని తెలియజేస్తామని’ దీపికా సన్నిహితులు తెలిపారు. అదే నిజమైతే తెలుగులో కూడా దీపికా కథానాయికగా నటించే తొలి చిత్రమిదే అవుతుందని సినీ వర్గాలు అంటున్నాయి.