Posted: 04/17/2012 06:13 PM IST

క్రికెట్ ఆడటంలోనే గ్రేట్ కాదు.. బిర్యానీ తింటంలో కూడా ఇర్పాన్ పఠాన్ ముందంజలో ఉన్నాడు. ఆయన ఏకంగా నాలుగు ప్లేట్లు బిర్యానీ తింటడట. బాదుడులో పఠాన్ సోదరులు ఇర్ఫాన్, యూసుఫ్‌ల శైలి ప్రత్యేకం. టీమిండియాలోకి వచ్చిపోతున్న ఈ ఆల్‌రౌండర్లు ఐపీఎల్‌లో తమదైన ముద్ర వేస్తున్నారు. అన్న యూసుఫ్ కోల్‌కతాకు.. తమ్ముడు ఇర్ఫాన్ ఢిల్లీకి ప్రాతినిధ్యం వహిస్తున్నారు. అన్నట్టు యూసుఫ్‌కు ముంబయికి చెందిన ఓ ఫిజియోతో నిఖా పక్కా అయింది.

ఇక ఇర్ఫానే మిగిలాడు. ఇంతకుముందు ఎవరైనా పెళ్లి ప్రస్తావన తెస్తే.. అన్నకు అయిన తర్వాత అంటూ చోటా పఠాన్ చెప్పేవాడు. ఇప్పుడేమో పెళ్లి గురించి అడగొద్దని ఇర్ఫాన్ ముందుగానే విలేకరులకు షరతు విధిస్తున్నాడు. 'పెళ్లి ఎప్పుడు చేసుకుంటావ్' అన్న ప్రశ్న తనకు ఇబ్బందిగా ఉంటుందని చెబుతున్నాడు. క్రికెట్‌నే పెళ్లి చేసుకుంటానని సరదా అన్న ఇర్ఫాన్.. వివాహం చేసుకునేముందు తప్పకుండా అందరికీ చెబుతానని మాటిచ్చాడు. యూసుఫ్‌తో అనుబంధం.. అమ్మ వండే బిర్యానీ.. తన ఆటతీరు గురించి చెప్పాడు. అతని మాటల్లోనే తెలుసుకుందాం..

అమ్మే నా హీరో తను చాలా దృఢ సంకల్పం గల మహిళ. అమ్మకు ఆరోగ్య సమస్యలున్నా మా ఇంటికి మూల స్తంభం లాంటిది. మా కోసం ఎన్నో కష్టాలు పడింది. నాకు నాన్నన్నా ఎంతో ఇష్టం. అమ్మ బిర్యానీ చాలా రుచిగా వండుతుంది. ఒకేసారి నాలుగు ప్లేట్లు లాగించేస్తా. అమ్మ వంటకానికి రెస్టారెంట్లో భోజనానికి పోలికే ఉండదు. ఏదైనా టూర్ నుంచి వచ్చిన వెంటనే బిర్యానీ చేయమని అమ్మకు చెబుతా. తినే ముందు కడుపు ఖాళీగా ఉంచుకుంటా. ఇక వంటలో నాకూ కొంత ప్రవేశం ఉంది. టీ, ఆమ్లెట్ చేయడం వచ్చు.