Posted: 05/19/2012 05:09 PM IST

 చెన్నయ్ చందమామ సమంతకు శ్రీదేవి అంటే ప్రాణమట. ‘‘నటిగా శ్రీదేవే నాకు ఆదర్శం’’ అంటున్నారు సమంత. ఇటీవల ఓ తమిళ చానల్‌కు ఇచ్చిన ఇంటర్‌వ్యూలో తన ఇష్టాఇష్టాల గురించి, లక్ష్యాల గురించి ఎంతో ఆసక్తిగా చెప్పుకొచ్చారు సమంత. -‘‘బాలనటిగా కెరీర్ మొదలుపెట్టి దినదినప్రవర్ధమానంగా ఎదిగారు శ్రీదేవి. సౌత్‌లో నంబర్‌వన్ అనిపించుకోవడంతో ఆమె తృప్తిపడలేదు. బాలీవుడ్‌లోకి అడుగుపెట్టి అక్కడ కూడా మకుటంలేని మహారాణి అనిపించుకున్నారు.అందుకే కెరీర్ పరంగా శ్రీదేవినే ఇన్‌స్పిరేషన్‌గా తీసుకుంటా. రేపు గౌతమ్‌మీనన్ సినిమా ద్వారా తొలిసారి బాలీవుడ్ తెరపైకి రాబోతున్నాను. అక్కడి నా భవితవ్యానికి ఆ సినిమా గట్టి పునాదిని వేస్తుందని నమ్మకంతో ఉన్నాను. మరో విషయం ఏంటంటే... పెళ్లి విషయంలో మాత్రం నేను శ్రీదేవిని ఫాలో అవ్వను. సెకండ్‌హ్యాండ్ మొగుడు నాకొద్దు’’ అన్నారు.

నాకు క్రికెట్ అంటే చాలా ఇష్టం. చూడ్డమే కాదు.. ఆడతాను కూడా. మా వీధి పిల్లలతో రోడ్డుమీద వికెట్లు పాతి... మొన్నటిదాకా క్రికెట్ ఆడేదాన్ని. కానీ ఇప్పుడు ఆ ఫ్రీడమ్ లేదుకదా. అయితే టోర్నీలు ఆడేంత ప్లేయర్‌ని మాత్రం కాదు. ఏదిఏమైనా మగాళ్ల క్రికెట్టే చూడ్డానికి ఆసక్తికరంగా ఉంటుంది. ముఖ్యంగా సచిన్ ఆడుతుంటే... నాలో బీపీ లెవల్స్ అప్ అండ్ డౌన్స్ అవుతూ ఉంటాయి’’ అని చెప్పారు సమంత.