Posted: 06/26/2012 03:06 PM IST

సిబిఐ జాయింట్ డైరెక్టర్  లక్ష్మీనారాయణపై  జగన్ శిబిరం  చేస్తున్న మానసిక యుద్దం కొత్త మలుపు తిరగనుంది. లక్ష్మీనారాయణ దూకుడుకు బ్రేకులు వేసేందుకు కసరత్తు  చేస్తోంది.  ఇప్పటికే  కాల్ షీటుతో  జేడీపై  యుద్దం చేస్తున్న  అతని పార్టీ ఎమ్మెల్యేలు ఇప్పుడు తాజాగా కొత్త  అస్త్రాన్ని తీస్తున్నారట.  అసలు చంద్రబాల కాల్ లిస్టు  సేకరణ వెనుక కుట్ర కోణం బయటపడుతోంది. సంబంధాలు  అంటగట్టి  వ్యక్తి  గతంగా టార్గెట్  చేయడానికి  కాల్ లిస్టును  అక్రమంగా తీసుకున్నారన్న  వ్యవహారం వెలుగులోకి వస్తోంది.  వాసిరెడ్డి  చంద్రబాల కాల్ లిస్టు  వ్యవహారం కీలక మలుపు తిరుగుతుంది.   వైఎస్ఆర్ సీపీ నేతల ఆరోపణలతో  వెలుగులోకి  వచ్చిన ఈ కాల్ లిస్టు  సేకరణ వెనుక పెద్ద కుట్ర ఉందన్న వాస్తవం  బయటపడుతోంది.

 లక్ష్మీనారాయణ  సీబీఐ జాయింట్ డైరెక్టర్ కాదట.. ఆడవాళ్లను వేధించే  పోకిరి,  వాసిరెడ్డి  చంద్రబాల , ఈమె  ఐబీఎం  ఉద్యోగి కాదట. ఆమె ఒక పూలన్ దేవి గా మార్చారు వైఎస్ఆర్ కాంగ్రెస్ పార్టీ నాయకులు.  అంతేకాదండోయ్  ఆయనను.. ఈవ్ టీజర్గా మార్చేశారు,  చంద్రబాలను  దోపీడీ దొంగల ముఠాలో  కలిపేశారు.   ఆ విధంగా  జే  గ్యాంగ్  కాల్ లిస్ట్ లను సంపాదించినట్లు  తెలుస్తోంది.   అంటే  వైఎస్ జగన్  అడ్డదారులు  తొక్కి.. పైగా నాకేటి సిగ్గు  అంటూ  అడ్డగోలు వాదనలు  చేశారు జగన్ పార్టీ నాయకులు.  ఓ గొప్పింటి మహిళకు ఫోన్ వేధింపులు  వస్తున్నాయి. బాగా ఇబ్బంది పెడుతున్నాడు.  కొంచెం కాల్  లిస్ట్  ఇచ్చి పుణ్యం కట్టుకోండి అంటూ  జేడీ లక్ష్మీనారాయణ నెంబర్ ఇచ్చారు జగన్ పార్టీ నాయకులు.  జేడీ ఫోన్ కాల్ లిస్ట్ లో  చంద్రబాల నెంబర్ ఎక్కువగా  కనిపించడంతో.. దాని ఆదారంగా ఏం జరిగిందో  తెలుసుకునేందుకు  జగన్ వర్గం ప్రయత్నించింది.  ఇందులో భాగంగా  జగన్ మీడియాకు చెందిన ఒక విలేకరి  రంగంలోకి దిగాడు.   తనకు బాగా తెలిసిన  నాచారం ఎసై  శ్రీనివాసరావును ఆశ్రయించాడు.  జగన్ అక్రమాలస్తుల కేసులో  విచారణ జరుగుతున్న సమయంలో  ఆయన మీడియా నుంచి కాల్ లిస్ట్  కోసం అనధికార, అభ్యర్థన   వచ్చినప్పటికీ  ఎసై  ఏ మాత్రం అనుమానం రాలేదట.   ఆ రోజే  ఒక హైవే  దోపీడీ దొంగల ముఠాను పోలీసులు పట్టుకున్నారు.  దీంతో జగన్ మీడియా విలేకరి ఇచ్చిన చంద్రబాల  నెంబర్ ను  కూడా దొంగల ముఠా సభ్యుల ఫోన్ నెంబర్లలో  కలిపి  వివరాలు  కావాలంటూ  డీసీపీ అనుమతి కోరి... సర్వీస్ ప్రొవైడర్  నుంచి జాబితా  సంపాదించటం జరిగిందట.

చంద్రబాల కాల్ లిస్టు  ఈ-మెయిల్ ద్వారా  నాచారం  స్టేషన్  ఆదేశాల  మేరకు  అదే మెయిల్ ఐడీ  నుంచి జగన్  మీడియా విలేకరికి  స్టేషన్ రైటర్  ఫార్వర్డ్  చేశారట.  ఈ తర్వాత చంద్రబాల  కాల్ లిస్ట్   ఆధారంగా  జగన్ పార్టీ  నేతలు,  ఆయన మీడియా చేసిన రాద్దాంతం  అందరికీ తెలిసిందే.  జగన్ గ్యాంగ్  కుట్ర కు  తాను పావులా ఉపయోగపడిన సగంతి  తెలుసుకున్న  ఇన్ స్పెక్టర్  మొత్తం విషయాన్ని  ఉన్నతాధికారులకు  తెలియజేయటం జరిగిందట.   జగన్ గ్యాంగ్ చేసిన మాయలు ఇలా ఉంటాయని .. ప్రజలు అనుకుంటున్నారు.