Posted: 11/07/2012 11:43 AM IST

వైయస్సార్ కాంగ్రెస్ పార్టీ అధ్యక్షుడు జగన్ మోహన్ రెడ్డి జైల్లో నుండే తన రాజకీయాల్ని నడుతున్నాడని తెలుస్తుంది. అతను జైల్లో ఉన్నా 2014 ఎన్నికల కొసం అక్కడి నుండే వ్యూహాలు రచిస్తున్నాడని  అంటున్నారు. అతని వ్యూహంలో భాగంగానే  ఇతర పార్టీ నేతల పై తన ఆపరేషన్ ఆకర్ష్ పథకాన్ని అమలు చేస్తున్నాడని  అంటున్నారు. 2014 ఎన్నికలలో గెలవాలంటే... అన్ని వర్గాల ప్రజలను ఆకర్షించేందు కు ఆ సామాజిక వర్గం నేతలకు గాలం వేస్తున్నాడని అంటున్నారు. ఇప్పటికే ఇతర పార్టీల నుండి చాలా మంది నేతలు వైయస్సార్ కాంగ్రెస్ పార్టీలో చేరుతున్నారు. జగన్ కి రెడ్డి వర్గం బలం ఎలాగు ఉంది కాబట్టి కాపు సామాజిక వర్గాన్ని కూడా ఆకర్షిస్తే గెలుపు ఖాయం అని భావించి అతను ఆ దిశగా అడుగులు వేస్తున్నట్లు వార్తలు. సామాజిక న్యాయం చేస్తానంటూ రాజకీయాల్లో కి వచ్చి తన కాపు వర్గానికి చెందిన ఓటు బ్యాంకు ద్వారా 18 శాతం ఓట్లు సాధించిన చిరంజీవి కాంగ్రెస్ పార్టీలో విలీనం చేసిన తరువాత కాంగ్రెస్ పార్టీ చిరంజీవికి రెడ్ కార్పెట్ పరుస్తుంది. కాపు వర్గానికి చెందిన చిరంజీవి ఇప్పుడు కాంగ్రెస్ పార్టీకి పెద్ద దిక్కుగా ఉన్నాడు. మరి ఆ వర్గం ఓట్లు తనవైపుకు  తిప్పుకోవడానికి  కాపు వర్గానికి చెందిన మాజీ రాజ్యసభ సభ్యుడు, మాజీ కేంద్ర మంత్రి అయిన దాసరి నారాయణ రావు పై తన ఆకర్ష్ అస్ర్తాన్ని ప్రయోగించినట్లు రాజకీయ వర్గాల సమాచారం.

ఈ విషయం పై జగన్ ఆయన మామ అయిన వై.వి. సుబ్బారెడ్డితో  చర్చలు కూడా జరిపించినట్లు వార్తలు. దాసరి కూడా కాంగ్రెస్ పార్టీ పై కాస్తంత అసం త్రుప్తితో ఉండటంతో వైయస్సార్ కాంగ్రెస్ వైపే మొగ్గు చూపుతున్నాడట. త్వరలో తన అనుచర గనంతో వైయస్సార్ కాంగ్రెస్ పార్టీలో చేరేందుకు  సిద్ధం అవుతున్నారని  అంటున్నారు . దాసరి వైయస్సార్ కాంగ్రెస్ లో చేరితే.... గోదావరి జిల్లాలతో పాటు, క్రిష్ణా, ప్రకాశం, గుంటూరు జిల్లాలకు చెందిన కాపు వర్గాన్ని ఆకట్టుకోవచ్చని  జగన్ అనుకుంటున్నట్లు  సమాచారం. ఇక ఇప్పటికే  కాపు వర్గానికి చెందిన వంగవీటి రాధాక్రిష్ణను వైయస్సార్ కాంగ్రెస్ లోకి లాక్కున్నారు. ఇక దాసరి కూడా వస్తే మరింత బలం చేకూరుతుందని  ఆయన భావిస్తున్నాడు. మొత్తానికి జగన్ కాపు వర్గాన్ని చేజారకుండా  ముఖ్యనేతలను తెరపైకి తెచ్చేందుకు పావులు కదుపుతున్నాడు. మరి ఏ మేరకు జగన్ ప్లాన్ వర్కవుట్ అవుతుందో చూడాలి.