Posted: 11/17/2012 06:23 PM IST

బాలీవుడ్ డర్జీ బ్యూటీ విద్యాబాలన్ విలక్షణ నటిగా పేరుతెచ్చుకొని అవార్డులు కూడా అందుకుంది. అలాంటి డర్జీ బ్యూటీ త్వరలో అంటే వచ్చేనెలలో ప్రముఖ వ్యాపారవేత్త, యూటీవీ అధినేత అయిన సిద్దార్థరాయ్ ని పెండ్లి చేసుకోబోతున్న విషయం తెలిసిందే. ఈమె తన పెండ్లిని ముంబయిలో ఓ గుడిలో చాలా సింపుల్ గా చేసుకోవాలని భావిస్తుందట. వీరు ఇప్పుడు అధికారికంగా పెండ్లి చేసుకుంటున్నారే తప్ప, అనధికారికంగా చాలా కాలం నుండి బహిరంగంగా భార్యాభర్తల్లా జీవిస్తున్నారు. ఇప్పుడు పెండ్లి కేవలం సాంప్రదాయం కోసమే అని చెప్పవచ్చు. ఇక విద్యాబాలన్ పెండ్లి తరువాత జరిగే హనీమూన్ ట్రిప్ కోసం ఇప్పటి నుండే ప్లాన్ వేస్తుందట. జీవితంలో ఒకేఒక్కసారి వచ్చే ఇలాంటి సందర్భం జీవితాంతం గుర్తుంటుంది. అలాంటి హనీమూన్ ప్రదేశం కూడా జీవితాంతం గుర్తుండే విధంగా ఎంపిక చేసుకోవాలి. ఇప్పుడు విద్యాబాలన్ కూడా చాలా ఢిఫరెంట్ ప్లేస్ లో హనీమూన్ చేసుకోబోతుందట. దీనికి కోసం ఇప్పటికే ప్లేస్ ని కూడా సెలక్ట్ చేసిందట. కానీ ఈ ప్లేస్ తనకు కాబోయే భర్త సిద్దార్థకు మాత్రం తెలియదట. ఇంతకీ ఈమె సెలక్ట్ చేసిన హనీమూన్ స్పాట్ ఏంటో తెలుసా... కరీబియన్ దీవులు. విద్యాబాలన్ ఎంత ఢిపరెంట్ గా ఆలోచించిందో కదా...