Posted: 12/08/2012 04:27 PM IST

రాష్ట్రంలో ఇప్పటికే రాజకీయ పార్టీలు ఎక్కువుగా ఉన్నాయి. ఇలాంటి తరుణంలో మరో కొత్త పార్టీ తెరపైకి వస్తున్నట్లు రాజకీయ నాయకులు అంటున్నారు. ఇది తెలంగాణకు సంబంధించిన పార్టీ మాత్రం కాదని  చెబుతున్నారు. ఇటీవల కేంద్ర మంత్రి వర్గ విస్తరణలో  చోటు దక్కపోవటంతో  అసంత్రుప్తిగా ఉన్న  ఏలూరు కాంగ్రెస్ ఎంపీ  కావూరి సాంబశివరావు  విషయం తెలిసిందే. అయితే  మంత్రి వర్గంలో అవకాశం  రాకపోవటంపై  నిరసిస్తూ  కాంగ్రెస్ పార్టీ అధిష్టానం పై తిరుగుబాటు  చేసిన విషయం తెలిసిందే. అలాంటి సమయంలోనే  తన ఎంపీ పదవికి రాజీనామా చేసి.. పార్టీ గుడ్ బై చెబుతాడని  కాంగ్రెస్ నాయకులు అనుకుంటున్నారు. అయితే కావూరి  ఎఫ్ ఢీఐ ఓటింగ్  విషయంలో  ప్రధాని సూచనల మేరకు  ఓటింగ్ చేసినట్లు తెలుస్తోంది. అయితే కావూరి కాంగ్రెస్ పార్టీని  విడితే ఆయన పరిస్థితి ఏమిటి? ఆయన ఏ పార్టీలో చేరుతాడు? అనే అనుమానాలు అందరికి వస్తున్నాయి.  కానీ కావూరి  కాంగ్రెస్ నుండి బయటకు వస్తే ఏ రాజకీయ పార్టీలో  చేరే అవకాశాలు లేవని ఆయన సన్నిహితులు చెబుతున్నారు. ఆయన ఇలాంటి పరిస్థితుల్లో ఏ పార్టీలోకి వెళ్లిన కావూరికి పెద్ద నష్టం జరుగుతుందని ఆయన అభిమానులు అంటున్నారు. అయితే కావూరి మీద ఇప్పటికే సమైక్యాంద్ర కు మద్దతిస్తే నాయకుడిగా రాష్ట్రంలో  ముద్రపడిపోయింది. కాబట్టి కాంగ్రెస్ నుండి బయటకు వచ్చిన వెంటనే  సమైక్య నినాదాంతో  కొత్త పార్టీ పెట్టి.. ముందుకెళితే  సీమాంధ్రలో   కావూరికి ఎదురుండదని  ఆయన సన్నిహిత వర్గాలు అంటున్నాయి.  కావూరి పెట్టిన పార్టీలోకి  సమైక్యాంద్రకు మద్దతిస్తే నాయకులు  అందరు వస్తారు కాబట్టి  కావూరి రాజకీయంగా ఎదుగుతారని ఆయన సన్నిహితులు ఆలోచనలు. అయితే కావూరిని వెనక  కొంతమంది కాంగ్రెస్ నాయకులు  ఉన్నట్లు తెలుస్తోంది.  ఇప్పటికే  విజయవాడ ఎంపీ సమైక్యాంద్రకు మద్దతు తెలుపుతున్న విషయం తెలిసిందే. లగడపాటి రాజగోపాల్  కావూరి వెనక ఉన్నట్లు కాంగ్రెస్ పార్టీ నాయకులు అనుకుంటున్నారు. డిసెంబర్  28వ తరువాత రాష్ట్రంలో  మళ్లీ ఉద్యమ సెగలు రాజుకుంటాయని  రాజకీయ విశ్లేషకులు అంటున్నారు.