Posted: 02/25/2013 05:28 PM IST

కాంగ్రెస్ పార్టీ సీనియర్ నాయకుడు వి.హనుమంతన్న..తీరాని అవనమానం జరిగింది.  రామయాణంలో  రాముడుకు  హనుమంతుడు ఉన్నట్టే.. కాంగ్రెస్ పార్టీకి వి.హనుమంతన్న అంత.  సోనియా గాంధీ, రాహుల్ గాంధీలపై ఎవరైన విమర్శలు చేస్తే.. వెంటనే వారిపై కౌంటర్ యుద్దం చేసే వ్యక్తి హనుమంతన్న. కాంగ్రెస్ పార్టీ అధికారంలో ఉన్నప్పుడే ఆయనకు చేదు అనుభవం ఎదురైంది.  కాంగ్రెస్ పార్టీ అధికారంలో లేకపోతే హనుమంతన్న పరిస్థితి ఏమిటి? ఆలోచించుకుంటేనే భయమేస్తుంది.  అసలు ఏం జరిగిందంటే? దిల్  సుఖ్  నగర్ బాంబు  పేలుడు జరిగిన విషయం తెలిసిందే.  అన్ని రాజకీయ పార్టీల నాయకులు  దిల్ సుఖ్ నగర్ చేరుకోని  ఓదార్పు యాత్రలు చేస్తున్న సమయంలో.. మన దేశ ప్రధాని మంత్రి  మన్మోహన్ సింగ్ కూడా  ఓదార్పు యాత్రలో  భాగంగా నగరంలోకి అడుగుపెట్టాడు. ఆ విషయం తెలుసుకున్న  కాంగ్రెస్ పార్టీ  చోట నాయకుల నుంచి  బడా నాయకులకు వరకు తెల్ల చొక్కలు ధరించి దూకుడుగా  దిల్ సుఖ్ నగర్ చేరుకున్నారు.  అసలే దేశ ప్రదాని రావటంతో.. పోలీస్ బాస్ లు  లా అండ్ ఆర్డర్ ను  కంట్రోల్ చేసే బాధ్యత వారిపై పూర్తిగా ఉండటంతో.. ప్రధాని మంత్రి వచ్చిన ఒక్క రోజు చాలా సీరియస్ గా డ్యూటీలు చేయటం జరిగింది.  పోలీసులు  వారి డ్యూటి నిజాయితీగా చేయడం కొంతమందికి నచ్చదని మనకు తెలుసు.  పోలీసులు అనేవారు చూసి చూడకుండ పోతేనే.. రాజకీయ నాయకుల ముందు  డ్యూటి చేస్తారు లేదంటే.. వారి పరిస్థితి చాలా దారుణంగా ఉంటుందన్న  నిజం ప్రతి ఒక్కరికి తెలిసిందే. 

అయితే  తెల్ల ధరించిన నాయకులు అందరు  ప్రధాని మంత్రిని కలవాలనే ఆశతో  ముందుకు రావటం.. పోలీసులు నో చెప్పటం జరిగింది. ఇందులో భాగంగానే.. కాంగ్రెస్ మంత్రులు, నాయకులు అయిన వారికే  పోలీసులు నో చెప్పారు. అలాంటి వారిలో  మన వి.హనుమంతన్న ఇరుకున్నారు.  ప్రధాని మంత్రిని కలవటానికి వచ్చిన వి.హనుమంతన్నను పోలీసులు చుక్కలు చూపించారు. మన హనుమంతన్నకు  బీపి పెరిగిపోయి  పోలీసులతో  వాగ్వాదానికి దిగినట్లు  సమాచారం. అయితే .. పోలీసులు మాత్రం హనుమంతన్నకు చాన్స్ ఇవ్వలేదని మీడియా వర్గాలు అంటున్నాయి.  అయితే   చివరిగా  వీహెచ్   ప్రధానని కలుసుకొని ఆ సమయంలో ఏం మాట్లాడలో అర్థంగాక.. భద్రతా సిబ్బంది హనుమంతన్నను అడ్డుకున్న విషయం చెప్పటంతో.. ప్రధానమంత్రి  మన్మోహన్ సింగ్ నవ్వుతూ..  మన హనుమంతన్న  ముఖాన.. ‘సారీ’ అనే ముక్క పడేసి వెళ్లిపోయినట్లు మీడియా వర్గాలు  అంటున్నాయ.  అక్కడున్న కాంగ్రెస్ నాయకులు  హనుమంతన్నను చూసి  నవ్వుకున్నట్లు  సమాచారం.  ప్రధాని మంత్రి  వద్ద . హనుమంతన్న పిల్ల బుద్ది చూపించారని కాంగ్రెస్ నాయకులు చెవులు కొరుకుంటున్నారు. సారీ కోసం ప్రధాన మంత్రిని కలిసిన హనుమంతన్న అంటూ గాంధీ భవన్ లో కాంగ్రెస్  నాయకులు  నినాదాలు చేసినట్లు మీడియా వర్గాలు అంటున్నాయి.