Posted: 02/25/2013 08:49 PM IST

64సంవత్సరాలు నిండి. 65లోకి అడుగుపెట్టిన తమిళనాడు ముఖ్యమంత్రి   జయలలిత. తన అభిమానుల కోసం 65 కేజీల కేక్ ను కట్  చేసి ప్రజలకు పంచిపెట్టారు.  వచ్చే లోక్ సభ ఎన్నికల్లో  తమ పార్టీ  ఒంటరిగానే  పోటీ చేస్తుందని  జయలలిత స్పష్టం చేశారు. అయితే జయలలిత  పుట్టిన రోజు నాడు ఒక కోరిక కోరినట్లు తెలుస్తోంది.  రాబోయే లోక్ సభ  ఎన్నికల్లో  మొత్తం 40  స్థానాలనూ  గెలుచుకోవాలని  జయలలిత  ఇటీవల  తన జన్మదినోత్సవ  నాడు  పార్టీ  నాయకులకు  సందేశం  ఇస్తూ.. పార్టీ నాయకులను కోరినట్లు సమాచారం.  తమిళనాడులో 39 , పుదుచ్చేరిలో  ఒక స్థానాన్నీ  మొత్తం 40  స్థానాలను  అన్నాడిఎంకే గెలుచుకుంటేనే తనకు సంతోషంగా  ఉంటుందని  జయలలిత చెప్పినట్లు  సమాచారం.  అంతేకాకుండా తన పుట్టిన రోజు ను ఘనంగా  చేసేందుకు  హడావిడి  ఏదీ చేయవద్దని, దాని బదులు  ప్రజలకు  సేవచేయమని  జయలలిత  తన  మద్దతుదారుల్ని  కోరారు.   పార్టీ కార్యకర్తలు  అన్నదానం,  రక్తదానం  మొదలైన  కార్యక్రమాలు నిర్వహించారు.   తమిళనాడులో  జయలలితను  ఆమె అభిమానులు  ఆప్యాయంగా  అమ్మా అని పిలుస్తారు.   అందుకే  జయలలిత తన మనసులో కోరికను బయటపెట్టినట్లు తెలుస్తోంది. అంటే  రాబోయే  ఎన్నికల్లో  కూడా అన్నాడిఎంకే గెలిచి  మళ్లీ సీఎం గా ఉండాలనేది  జయలలిత కోరిక అని  ఆపార్టీ  సీనియర్ నాయకులు  చెబుతున్నారు.   అమ్మ కోరిక తమిళనాడు ప్రజలు తీర్చుతారో లేదో వేచి చూడాలి.