మా ఆయన బంగారం?

Posted: 05/29/2013 07:48 PM IST

స్పాట్ ఫిక్సింగ్ లో అరెస్టైన బాలీవుడ్ నటుడు విందూ దారాసింగ్ పై ప్రేమ కురిపించిన భార్య దీనా ఉమరోవా . విశాలమైన, బంగారంలాటి మనసు గల అత్యంత గొప్ప వ్యక్తి విందూ అని, అతని వంటి వ్యక్తిని తాను జీవితంలో చూడలేదని, మీడియానే దాన్ని పెద్దగా చేస్తోందని విందూ భార్య అన్నారు. విందూది బెయిల్ లభించే నేరమని, అయితే రాజకీయ కారణాలతో విందూను వేధిస్తున్నారని ఆమె అన్నారు. విందూ దారాసింగ్ పోలీసు కస్టడీని కోర్టు ఈ నెల 31వ తేదీ వరకు పొడిగించింది. కోర్టు నిర్ణయం వెలువడిన తర్వాత విందూ మాట్లాడారు. తాను బెట్టింగుకు పాల్పడినట్లు విందూ అంగీకరించాడని, ప్రతి విషయం పోలీసులకు చెప్పాడని, ఇంకా ఎందుకు కస్టడీలోకి తీసుకుంటున్నారని ఆమె అన్నారు. మీ ఆయన బంగారం అయితే బుకీలతో బెట్టింగ్ ఎందుకు పెట్టుకున్నాడు, అమ్మాయిలతో ఎలా జల్సా చేశాడు? మచ్చలేని క్రికెట్ పై ఇంత పెద్ద మచ్చ ఎలా వేశాడని క్రికెట్ అభిమానులు సైటర్లు చేస్తున్నారు. పెళ్లైన ప్రతి మగాడు భార్యకు బంగారమే. అతను చేసే పనులే కాకీ బంగారం, అప్పుడే మీ లాంటి భార్యలు కండిస్తే ఈ రోజు మీ బంగారం లాంటి భర్త జైల్లో ఉండేవాడు కాదని క్రికెట్ అభిమానులు అంటున్నారు. ఏమైన విందూకు జైల్లో విందు రాసిపెట్టి ఉంటే మాత్రం ఎవరు తప్పించగలరు చెప్పండి?