బొత్స పై పగబట్టిన బస్సు.. గాలి తీసిన ఎకే ఖాన్

Posted: 07/04/2013 02:44 PM IST

రాష్ట్ర రవాణా శాఖ మంత్రి బొత్స సత్యనారాయణ పై ఆర్టీసి బస్సు పగబట్టింది. గత కొద్ది రోజుల నుండి ఆర్టీసీ కార్మికులు తమ డిమాండ్స్ ను పరిశీలించ వలసిందిగా.. ఆర్టీసీ ఎండీ ఎకే ఖాన్ ముందు ఉంచటం జరిగింది. అయితే ఆర్టీసి కార్మికుల డిమాండ్స్ ను లెక్కచెయ్యకుండా వారితో చర్చలు జరపకుండా, కాలయాపన చేసిన ఎండీ ఏకే ఖాన్ కు సమ్మె సైరన్ సౌండ్ ను పేల్చారు. ఈ విషయం తెలుసుకున్న మంత్రి బొత్స సత్యనారాయణ రంగంలోకి పరిస్థితిని చక్కపెట్టేలోపు సమస్య చెయిదాటిపోయింది. కార్మిక యూనియన్ సంఘాల నాయకులతో చర్చలు జరిపిన సమయంలో బొత్సకు ఆశ్చర్యకరమైన విషయాలు తెలిసాయి. ఎండీ ఏకే ఖాన్ ఆర్టీసీ బస్సుల గాలి ఎలా తీసి, ఆర్టీసీ నష్టాలు రావటానికి గల కారణాలు, కార్మికులు ఏవిధంగా నలిగిపోతున్న విషయాలను బొత్స కార్మిక సంఘాల నాయకులు ఉంచటం జరిగింది. అయితే ఆర్టీసి కార్మికుల సంఘాల డిమాండ్స్ ను పరిశీలిస్తానని చెప్పినప్పటికి ఫలితం లేకపోయింది. కార్మిక నాయకులు తమ డిమాండ్స్ ను వెంటనే అమలు జరపాలని వారు డిమాండ్ చేయటం, బొత్స ఇప్పుడు కుదరదని చెప్పటంతో ఆర్టీసీ కార్మికుల సమ్మె వైపు అడుగులు వేసినట్లు సమాచారం. ఈ సమస్య జఠిలం కావటానికి కారణం కేవలం ఆర్టీసీ ఎండీ ఎకే ఖాన్ అని కార్మిక సంఘాలు ఆరోపిస్తున్నాయి. బొత్స పై పగబట్టిన ఆర్టీసీ బస్సు రేపటి నుండి సమ్మె సైరన్ మోగించనున్నాయి. అయితే తుది చర్చలు జరిగే అవకాశం ఉందని కార్మిక యూనియన్ నాయకులు అంటున్నారు.