ప్రజలంటే కేవలం సీమాంద్రులేనా? బాబు

Posted: 09/23/2013 11:23 AM IST

తెలుగుదేశం పార్టీ అధినేత నారా చంద్రబాబు నాయుడు ప్రత్యేక తెలంగాణ ఏర్పాటుకు లేఖ రాసిన విషయం తెలిసిందే. అయితే ఇప్పుడు చంద్రబాబు నాయుడు యూ టర్న్ తీసుకున్నారని కొన్ని రాజకీయ పార్టీలు గోల చేస్తున్నాయి. అయితే ఈ విషయం పై చంద్రబాబు నాయుడు నేను యూ టర్న్ తీసుకులేదని, ప్రజల కోసం ప్రజా టర్న్ తీసుకున్నానని తెలివిగా తెలుగుదేశం పార్టీ అధినేత తప్పించుకున్నారు. ఈ విషయం పై తెలంగాణలో చంద్రబాబు మీద విమర్శలు వెల్లువెత్తాయి. తెలంగాణ టీడీపీ నాయకుల్లో కూడా అంతరమధనం ఏర్పాడింది. ఇలాంటి సమయంలోనే ఢిల్లీకి వెళ్లినా బాబు మీడియాతో కొన్ని మాటలను పంచుకున్నారు. మేం తెలంగాణాలోని ప్రజల ఆవేదనను చూసిన తర్వాతే లేఖ ఇచ్చాం. అనిశ్చిత పరిస్థితిని తొలగించాలని కోరాం. దాన్ని సాకుగా తీసుకొని రాష్ట్రంలో చిచ్చుపెట్టడం నీచంగా ఉందని చంద్రబాబు నాయుడు ఆవేశంగా అన్నారు. అయితే ఇలాంటి విషయాన్ని ఎవ్వరూ సహించరు. కాంగ్రెస్ పార్టీ విధానంవల్లే ప్రజలు రోడ్లమీదికొచ్చారు. కాంగ్రెస్ పార్టీ నిర్వాకం తప్పుకాబట్టే ఎన్సీ లాంటి యూపీయే పక్షంతోపాటు జాతీయ పార్టీలన్నీ కాంగ్రెస్ వైఖరిని వ్యతిరేకించాయని చంద్రబాబు ఆవేశంగా అన్నారు. తెలుగు ప్రజల మనోభావాలను అర్థంచేసుకొని ముందుకుపోవటమే తెలుగుదేశం పార్టీ కర్తవ్యం అని చంద్రబాబు చెప్పినట్లు సమాచారం. అందుకే చంద్రబాబును మాటల చాణుక్యుడు అని రాజకీయ నాయకులు అంటున్నారు.