శోభారాణి సినిమా-భయంలో చిరు?

Posted: 10/02/2013 05:53 PM IST

శోభారాణి అంటే పెద్దగా ఎవరికి తెలియదు. ప్రజారాజ్యం పార్టీ మహిళాఅధ్యక్షురాలు శోభారాణి అంటే మాత్రం ప్రతి ఒక్కరికి తెలిసిపోతుంది. రాజకీయ నాయకురాలిగి ఎదగాలనే తపనతో.. ప్రజారాజ్యం పార్టీలో చేరి, పొలిటికల్ మహిళగా పేరు తెచ్చుకున్న విషయం తెలిసిందే. అయితే అది కొద్ది కాలంలోనే ప్రజారాజ్యం పార్టీకి గుడ్ బై చెప్పి, సమజంలో కలిసిపోయిన శోభారాణి మళ్లీ తెరపైకి వచ్చింది.. ఈ సారి ఏకంగా వెండితెరపై కనిపించటానికి సిద్దమవుతుంది. సమైక్యాంద్ర కోసం ‘‘ జై భోలో సమైక్యాంద్ర ’’ అనే సినిమా తియ్యటానికి కొంతమంది దర్శకులు , నిర్మాతలు సిద్దమైన విషయం తెలిసిందే. అయితే వీరికి అండగా శోభారాణి కలిసిపోయింది. ఈ సినిమాలో శోభారాణి కూడా ఒక ప్రత్యేకమైన పాత్ర పోషిస్తుందని ఫిలింనగర్లో గుసగుసలు వినిపిస్తున్నాయి. ప్రముఖ సినియర్ నటి కవిత కూడా జై బోలో సమైక్యాంద్ర సినిమాలో నటిస్తుంది.

 

అంతేకాకుండా ఒక ప్రముఖ హీరో కూడా ఈ సినిమాలో ముఖ్యపాత్ర పోషిస్తున్నాడని శోభారాణి చెప్పటం చాలా విశేషంగా ఉంది. కానీ శోభారాణి నటిస్తున్న సినిమా విషయం తెలుసుకున్న కేంద్ర మంత్రి చిరంజీవి లో భయం మొదలైనట్లు.. టాలీవుడ్ వాసులు అంటున్నారు. అసలే శోభారాణి .. ఆపైన సినిమా...? ఇక చిరంజీవి పై శోభారాణి రెచ్చిపోయి అవకాశం ఎక్కువుగా ఉందని టాలీవుడ్ పెద్దలు అంటున్నారు. తనకు జరిగిన అన్యాయం గురించి, చిరంజీవి స్థాపించిన ప్రజారాజ్యం పార్టీ గురించి జై బోలో సమైక్యాంద్ర సినిమాలో చూపించే విధంగా శోభారాణి స్ర్కిప్ట్ రాసి సిద్దంగా ఉంచినట్లు ఆమె తన సన్నిహితుల వద్ద చెప్పినట్లు టాలీవుడ్ పుకార్లు వినిపిస్తున్నాయి. అసలే సమైక్యాంద్ర ఉద్యమంతో మెగా కుటుంబానికి భారీ నష్టం జరిగిన విషయం తెలిసిందే.. ఇలాంటి సమయంలో ఈ శోభారాణి నటించే సినిమాలో కేంద్ర మంత్రి చిరంజీవి పార్టీ గురించి ఏమైన సన్నివేశాలు తీస్తే మాత్రం మెగా కుటుంబానికి భారీ నష్టం జరిగే ప్రమాదం ఉందని మెగా అభిమానులు అంటున్నారు. టాలీవుడ్ మెగా కుటుంబానికి విరుదులైన వారు శోభారాణికి అండగా ఉన్నట్లు ఫిలింనగర్ వాసులు గుసగుసలాడుకుంటున్నారు.