పెళ్లి వేడుకలో సందడి చేస్తున్న చార్మీ..

Posted: 01/29/2015 12:59 PM IST

Charmi kaur dance performace trisha marriage tollywood gossips

సినీ ఇండస్ట్రీలో పెళ్లి సీజన్ కొనసాగుతున్నట్లు కనిపిస్తోంది. అందుకే.. తారలు ఒక్కొక్కరుగా పెళ్లి చేసుకుని సెటిలైపోతున్నారు. ఆమధ్య పరిశ్రమలో ఓ వెలుగు వెలిగిపోయిన మూడుపదుల తారలకు మూవీల్లో ఆఫర్లు రాకపోవడం వల్ల పెళ్లిళ్లిపై దృష్టి సారిస్తున్నట్లు తెలుస్తోంది. ఇదిలావుండగా.. మూడుపదుల సెక్సీ పంజాబీ డాల్ ఛార్మీ పెళ్లి వేడుకలో ఫుల్ జోష్ తో సందడి చేసేందుకు రెడీ అవుతోందని సమాచారం. అయితే.. ఈమె ఆడిపాడేది తన పెళ్లిలో కాదులెండి.. త్రిష పెళ్లిలో!

ఇటీవల పారిశ్రామికవేత్త వరుణ్ మనియన్’తో త్రిష నిశ్చితార్థం జరిగిన విషయం తెలిసిందే! ఇక పెళ్లి కార్యక్రమాల్లో నిమగ్నమైన త్రిష.. త్వరలోనే తేదీని అధికారికంగా తెలపనుంది. ఈమె పెళ్లిలోనే చార్మీ డ్యాన్స్ చేయడానికి రెడీ అవుతోంది. త్రిషకు, ఛార్మీకి మధ్య మంచి స్నేహబంధం వుంది. వీళ్లిద్దరూ అప్పుడప్పుడు కలుస్తూ వుంటారు కూడా! రీసెంట్’గా తన వివాహ నిశ్చితార్థం సందర్భంగా ఇచ్చిన పార్టీకి చార్మీ అటెండ్ అయింది కూడా! అక్కడ అమ్మడు అందరితోనూ కలిసిమెలిసి సంతోషంగా కాలం గడిపింది.

ఈ నేపథ్యంలో త్రిష పెళ్లిలో తాను ఆడిపాడుతూ సందడి చేస్తానని చార్మి చెప్పిందని సమాచారం! అందుకోసం అమ్మడు ఇప్పటినుంచే ప్రాక్టీస్ మొదలుపెట్టేసిందని అంటున్నారు. అయితే.. పెళ్లైన తర్వాత త్రిషను చాలా మిస్సవుతాననీ, త్రిష కూడా తన బ్యాచిలర్ లైఫ్ మిస్సవుతుందనీ చార్మీ బాధగా చెప్పినట్లు సన్నిహితవర్గాలు పేర్కొంటున్నాయి. అందుకే.. త్రిషకు కానుకగా ఈ అమ్మడు చిందులు వేసేందుకు సిద్ధమైందని అంటున్నారు.