డర్టీ పిక్చర్ భామ ధనుష్ పాలిట విలన్?

Posted: 08/26/2015 12:59 PM IST

ధనుష్ హీరోగా తమిళంలో దురై సెంథిల్ కుమార్ ఓ చిత్రం తెరకెక్కించనున్న విషయం తెలిసిందే. అయితే ఇందులో బాలీవుడ్ సెక్సీ హీరోయిన్ విద్యాబాలన్ విలన్ పాత్రలో కనిపించనుందని తెలిసింది. బాలీవుడ్ లో సెక్సీ హీరోయిన్ గా పేరు దక్కించుకున్న విద్యాబాలన్ ‘డర్టీ పిక్చర్’ అనే ఒక్క సినిమాతో ప్రపంచ వ్యాప్తంగా భారీ క్రేజ్ ను దక్కించుకుంది.

ఈ సినిమాతో సౌత్ లో కూడా విద్యాబాలన్ కు భారీగా అభిమానులు ఏర్పడ్డారు. అలాగే ధనుష్ కూడా ‘రాంఝనా’ సినిమాతో బాలీవుడ్ జనాలకు బాగా దగ్గరయ్యాడు. ఈ సినిమా ఘనవిజయం సాధించడం, అలాగే ఇటీవలే వచ్చిన ‘షమితాబ్’ సినిమా కూడా మంచి విజయం సాధించడంతో ధనుష్ కు బాలీవుడ్ లో భారీ క్రేజ్ ఏర్పడింది.

అయితే ప్రస్తుతం ధనుష్ నటించబోయే తాజా చిత్రంలో విద్యాబాలన్ అయితే బాగుంటుందనే వుద్దేశ్యంతో సెంథిల్... విద్యాబాలన్ ను కలిసి ఈ చిత్ర కథ వినిపించాడట. పొలిటికల్ థ్రిల్లర్ గా రూపొందనున్న ఈ సినిమాలో విలన్ పాత్ర కోసం విద్యాబాలన్ ను సంప్రదించారట. ఈ పాత్ర విద్యాబాలన్ కు కూడా తెగ నచ్చడంతో.. వెంటనే ఈ ప్రాజెక్టుకు గ్రీన్ సిగ్నల్ ఇచ్చినట్లుగా తెలిసింది.

ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. త్వరలోనే ఈ ప్రాజెక్టును సెట్స్ పైకి తీసుకెళ్లనున్నారు. ఈ చిత్రాన్ని తమిళం, హిందీ, తెలుగు భాషలలో ఏకకాలంలో నిర్మించడానికి చిత్ర యూనిట్ సన్నాహాలు చేస్తున్నట్లుగా తెలిసింది. త్వరలోనే అన్ని విషయాలను చిత్ర యూనిట్ అధికారికంగా ప్రకటించనున్నారు.