ఉదయ్ కిరణ్ ని వదలని వర్మ

Posted: 01/09/2014 05:45 PM IST

Ram gopal varma planning movie on uday kiran

రామ్ గోపాల్ వర్మ... కేరాఫ్ సంచలన వ్యాఖ్యలు, క్రైమ్ స్టోరీస్ సినిమాలు. సినిమా ఇండస్ట్రీలో తన సినిమాలతో ఓ ప్రత్యేక స్థానాన్ని సంపాదించుకున్న వర్మ ఏది చేసినా సంచలనమే. గత కొంత కాలం నుండి ఈయన సినిమాల పై జనాలకు విరక్తి కలిగినా ఆయన పంథాలో సినిమాలు చేస్తూ మరింత విసిగిస్తున్నాడు.

ఇటీవలి కాలంలో నిజ జీవితాలలో జరిగిన కొన్ని సంఘటనల ఆధారంగా సినిమాలు తెరకెక్కించి సంచలనం స్రుష్టించిన వర్మ ఇప్పుడు మరో సంచలనానికి తెర లేపబోతున్నాడా ? అంటే టాలీవుడ్ లో అవుననే సమాధానం వినిపిస్తుంది. రాయలసీమ ఫ్యాక్షనిజాన్ని ఆసరాగా చేసుకొని ప్రముఖ రాజకీయ నాయకుడు పరిటాల రవి మీద చేసిన ‘రక్త చరిత్ర ’ సినిమా ఇండస్ట్రీలో ఎంత సంచలనం రేపిందో అందరికీ తెలిసిందే.

ఇప్పడు గత రెండు రోజుల క్రితం టాలీవుడ్ హీరో ఉదయ్ కిరణ్ ఆత్మహత్యా టాలీవుడ్ ఇండస్ట్రీని కుదిపేసింది. ఈయన ఆత్మహత్య పై రకరకాల వార్తలు వినిపిస్తున్నాయి. ఈ నేపథ్యంలో వర్మ ఈయన ఉదంతాన్ని కథగా మార్చి తెరకెక్కించబోతున్నాడని అంటున్నారు. ఇప్పటి వరకు రక్త చరిత్ర, ముంబయిలో దాడి 26/11 ను తెరకెక్కించిన వర్మ ఈ స్టోరీనీ తీసిన ఆశ్చర్య పోవాల్సిన అవసరం లేదంటున్నారు.

ఒకవేళ గనుక వర్మ ఉదయ్ పై సినిమా చేస్తే... అందులో ఉదయ్ కిరణ్ చావుకు కారణం ఎవరు ? ఆయన ఆత్మహత్యా చేసుకోవడానికి టాలీవుడ్ లో కొందరు బడా బాబులే కారణం అనే అంశాల్ని కూడా పరిగణలోకి తీసుకొని తెరకెక్కిస్తాడా ? లేక టాలీవుడ్ ఇండస్ట్రీని నాలుగు కుటుంబాలే శాసిస్తున్నాయన్నది తెరకెక్కిస్తాడా ? అనేది వేచి చూడాల్సి ఉంది.