కార్తీకకు ఐటెం వేషాలైనా దక్కేనా ?

Posted: 06/10/2014 03:16 PM IST

సినిమా ఇండస్ట్రీలోకి వారవసత్వంగా వస్తూ వెండితెర పై వరుస అవకాశాలతో దూసుకుపోతున్నారు సినీ స్టార్ల కూతుర్లు, కుమారులు. ఒకప్పుడు క్లాసిక్ డాన్సర్ కమ్ హీరోయిన్ గా వెండితెరను ఓ ఊపు ఊపిన రాధా కూతుళ్లు కూడా వెండితెర ఎంట్రీ ఇచ్చారు. అందులో పెద్ద కుమార్తె టాలీవుస్టార్ హీరో కుమారుడు అయిన నాగ చైతన్య ‘జోష్ ’ సినిమాతో తెలుగు సినిమా ఇండస్ట్రీలోకి అడుగు పెట్టింది. ఎంతో ‘జోష్ ’తో అడుగు పెట్టిన కార్తీక కెరియర్ కూడా మంచి జోష్ లో సాగుతుందని అనుకున్నారు.

కానీ ఆ సినిమా అనుకున్నంత బ్రేక్ ఇవ్వకపోవడంతో కార్తీక అవకాశాలకు బ్రేకులు పడ్డాయి. ఆ సినిమా తరువాత తమిళం, తెలుగులో నటించిన ‘రంగం ’ సినిమా సూపర్ హిట్ తరువాతనైనా ఈమె కెరియర్ గాడిలో పడుతుందని అనుకున్నారు. అదీ జరగలేదు. ఆ తరువాత ఎన్టీఆర్ ‘దమ్ము ’ సినిమాలో ఛాన్స్ రావడంతో సుడి తిరుగుతుందని అనుకుంది. ఆ సినిమా అట్టర్ ప్లాప్ కావడంతో ఈమెకు అవకాశాలు ఇచ్చేవారు కరువయ్యారు. ఇటీవల చాలా కాలం తరువాత సంతోష్ శివన్ దర్శకత్వంలో మకరమంజు సినిమాలో అవకాశం వచ్చింది.

ఈ సినిమా ట్రైలర్ మంచి టాక్ టెచ్చుకోవడంతో ఈ సినిమా పై గంపెడు ఆశలు పెట్టుకుంది. ఈ సినిమాతో లైమ్ టైం లోకి రావాలంటే ఎలా ? ప్రస్తుతం దీనిపైనే కసరత్తు చేస్తోందట అమ్మడు. టాలీవుడ్ అగ్రహీరోల సినిమాలో ఐటెం నెంబర్ తో విరుచుపడితే కొత్త క్రేజ్ వస్తుందని భావిస్తుందట కార్తిక. ఎవరైనా స్టార్ హీరో అవకాశం ఇస్తే స్పెషల్ ఐటెం నెంబర్ల తో ఆకట్టుకోవడానికి సిద్దంగా ఉన్నదట.

కార్తీక సై అనాలే కానీ, ఐటెం నెంబర్ గా ఆమెకు చాన్సులు ఇవ్వనిది ఎవరు ? రాధా పై అభిమానంతోనైనా దర్శకనిర్మాతలు ఓ ఆకాశం ఇవ్వడం ఖాయం. అలా రెండో ఇన్నింగ్స్ లో షైన్ అయ్యి, మరి ఐటెం గాళ్ గానైనా పేరు తెచ్చుకుంటుందో చూడాలి.

Knr