హీరోతో కలిసి రెస్టారెంట్ లో దొరికిన స్వాతి!

Posted: 10/20/2014 05:54 PM IST

Colors swathi condemns the love affairs rumours with hero nikhil

గతంలో కలర్స్ స్వాతి రహస్యంగా బాయ్ ఫ్రెండ్ తో డేటింగ్ చేస్తోందని, రాత్రింబవళ్లు ఎవరికీ తెలియకుండా పార్టీలకు - పబ్బులకు వెళ్లి బాగా ఎంజాయ్ చేసిందనే వార్తలు ఎన్నో వచ్చాయి. ఈమె నటించిన సినిమాలకంటే గాసిప్స్ వార్తలే లెక్కలేనన్ని వున్నాయి. మొదట్లో ఈ విషయాలను కామన్ గానే తీసుకున్న ఈ అమ్మడు.. రానురాను మరీ ఎక్కువగా పెరిగిపోతుండటంతో తీవ్రంగా ఖండించింది. తాను ఎవరితోనూ డేటింగ్ చేయలేదని.. ఇంతవరకు అసలు లవ్ లోనే పడలేదని చెబుతూ.. తనపై వచ్చి లవ్ ఎఫైర్ల ఆరోపణలను తీవ్రంగా ఖండించింది. తన పెళ్లి విషయం తల్లిదండ్రులే అప్పగించేశానని చెప్పిన ఈ అమ్మడు... అనవసరంగా ప్రేమ వ్యవహారాల్లో దూరనంటూ క్లారిటీ ఇచ్చేసింది. ఇంతవరకు బాగానే వుంది కానీ.. తాజాగా అమ్మడు ఒక హీరోతో కలిసి రెస్టారెంట్ లో ఎంజాయ్ చేసిందనే రూమర్లు మళ్లీ పుట్టుకొచ్చాయి. ఆ హీరో మరెవరో కాదు.. ఈమెతో కలిసి ‘‘స్వామిరారా’’ ప్రస్తుతం వస్తున్న ‘‘కార్తికేయ’’ సినిమాలో నటించిన నిఖిల్!

‘‘కార్తికేయ’’ సినిమా షూటింగ్ నేపథ్యంలో ఈ ఇద్దరు చాలా క్లోజ్ గా మూవ్ అయ్యారని, కలిసి రెస్టారెంట్లకు కూడా వెళుతున్నారని అప్పట్లో జోరుగా వార్తలు వచ్చాయి. అయితే అలాంటిదేమీ లేదని ఈ అమ్మడు ఆ రూమర్లను ఖండించింది. అయితే మరోసారి ఈ అమ్మడు ఆ హీరోతోనే కలిసి రెస్టారెంట్లో పట్టుబడినట్లు పుకార్లు జోరందుకున్నాయి. సినిమా షూటింగ్ నేపథ్యంలో లొకేషన్లలో ఇద్దరు కలిసి తిరగడం కామనేగానీ.. షూటింగ్ అయిపోయిన తర్వాత కూడా ఈ ఇద్దరికీ రెస్టారెంట్లో పని ఏముందని..? అందరూ ప్రశ్నించడం మొదలుపెట్టేశారు. ఆ ప్రశ్నలు రానురాను అనుమానాలుగా మారిపోయాయి. దీంతో అందరూ వీరిద్దరి మధ్య లవ్ ఎఫైర్ నడుస్తున్నది నిజమేనంటూ ఫిక్స్ అయిపోయారు. ఇద్దరు లవ్ లో అంతగా మునిగిపోతే.. గతంలో వచ్చిన వార్తలను ఖండించాల్సిన అవసరమేముందంటూ ఎదురుప్రశ్న వేయడం మొదలుపెట్టేశారు.

అయితే ఈ వార్త అలా, ఇలా చక్కర్లు కొడుతూ చివరకు స్వాతి దగ్గరకి వచ్చిపడింది. దీంతో ఈ విషయంపై స్పందించిన అమ్మడు.. తాను హీరోతో కలిసి రెస్టారెంట్లకు వెళ్లింది నిజమేనని ఒప్పేసుకుంది. కానీ.. తమ మధ్య ఎటువంటి రిలేషన్ లేదని.. సినిమా ప్రమోషన్ సందర్భంగానే అప్పుడప్పుడు రెస్టారెంట్లకు వచ్చేదని క్లారిటీ ఇచ్చుకుంది. ఈ నేపథ్యంలోనే స్వాతి మాట్లాడుతూ.. ‘‘అసలు మేమిద్దరం షూటింగులో తప్ప మరెక్కడా కలసి తిరగలేదు. కార్తికేయ సినిమా ప్రమోషన్ కు మాత్రం నేను, నిఖిల్, దర్శకుడు కలసి ఒకే కారులో వెళ్లాం. అప్పుడు మధ్యలో రెస్టారెంటుకి వెళ్ళాల్సి వచ్చింది. అంతే... అది చూసి ఏవేవో కథలు అల్లేశారు. అంతకు మించి మా ఇద్దరి మధ్య ఎటువంటి రిలేషన్ లేదు. అతను నాకు మంచి ఫ్రెండ్ మాత్రమే! మరేం లేదు" అంటూ చెప్పుకొచ్చింది కలర్స్ భామ!