మాస్ మజా కావాలంటున్న మిల్క్ షేక్

Posted: 11/04/2014 01:12 PM IST

Tamannah to act in raviteja sampath nandi film

ఎంతటి సొగసులున్న అందగత్తెలైనా మాస్ కిక్ ను కోరుకునేవారే. ఎందుకంటే మాస్ లో ఉన్న క్రేజ్ అలాంటిది. తాజాగా మిల్కీ బ్యూటి తమన్నా కూడా మాస్ ఇమేజ్ కావాలని తహతహలాడుతోంది. తాజా సమాచారం ప్రకారం మాస్ మహారాజ రవితేజ సినిమాలో నటించేందుకు ఈ బ్యూటి ఓకే చెప్పిందట. ఇక్కడ ఇంకో విషయం ఏమిటంటే తన సినిమాలో తమన్నా అయితే బాగుంటుందని రవితేజనే సిఫార్సు చేశాడని తెలుస్తోంది. కొత్త కాంబినేషన్ కావటంతో బాగుంటుంది అని అనుకుంటున్నారు.

అటు సంపత్ నంది కూడా ఇందుకు సానుకూలంగా స్పందించినట్లు తెలుస్తోంది. నంది ‘రచ్చ’ సినిమాలో హీరోయిన్ గా చేసిన అనుభవం ఉండటంతో ఆమె గురించి తెలిసిన డైరెక్టర్, ఓకే చెప్తాడని తెలుస్తోంది. అయితే దీనిపై ఇంకా అధికారిక ప్రకటన రావాల్సి ఉంది. ఇక మరో విషయం ఏమిటంటే సంపత్ తో పనిచేసేందుకు కూడా తమన్నా ఎదురుచూస్తోంది. ఎందుకంటే ‘రచ్చ’ సినిమాలో తనను చాలా బాగా చూపించారు అని మీడియా ముందు తెగ సంతోష పడింది. అలా తనను ఫోకస్ చేసే డైరెక్టర్ అయితే తాను ఫోకస్ అవుతాను అని అనుకుంటోంది.

ప్రస్తుతం ‘కిక్2’ చేస్తున్న రవితేజ ఈ ప్రాజెక్టు తర్వాతి డేట్స్ సంపత్ నందికి ఇచ్చారు. ప్రస్తుతం కధకు తుది మెరుగులు దిద్దుకుంటున్న నంది.., ఈ లోపు మిగతా పనులు అంటే సినిమాటోగ్రాఫర్ ఇతర టెక్నిషియన్లను సిద్ధం చేసుకుంటారని సమాచారం. మరి వీరి కాంబినేషన్ లో వస్తున్న కొత్త ప్రాజెక్టు ఎలా ఉంటుందో త్వరలో తెలియనుంది.

కార్తిక్