దోచేయ్యడానికి డేట్ ఫిక్స్ చేస్తున్న నాగచైతన్య

Posted: 02/20/2015 04:54 PM IST

అక్కినేని నాగచైతన్య హీరోగా ‘స్వామిరారా’ సినిమాతో దర్శకుడిగా మంచి మార్కులు కొట్టేసిన దర్శకుడు సుధీర్ వర్మ దర్శకత్వంలో ‘దోచేయ్’ అనే చిత్రం తెరకెక్కుతున్న విషయం తెలిసిందే. శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్న ఈ చిత్రానికి సన్నీఎం.ఆర్ సంగీతం అందిస్తున్నాడు.

నాగచైతన్య పుట్టినరోజు కానుకగా విడుదలైన ఫస్ట్ లుక్ టీజర్ కు మంచి స్పందన వచ్చింది. అలాగే మహాశివరాత్రి కానుకగా ఇటీవలే విడుదలై ఫస్ట్ లుక్ టైటిల్ పోస్టర్లకు మంచి స్పందన వస్తోంది. ఇందులో నాగచైతన్య సరసన ‘1 నేనొక్కడినే’ ఫేం కృతిసనన్ హీరోయిన్ గా నటిస్తుంది.

మోసపోవడం కంటే... మోసం చేయడమే బెటర్ అనే కథాంశంతో రూపొందుతున్న ఈ సినిమా టీజర్ అంచనాలను పెంచేసింది. నాగచైతన్య ఇందులో చాలా స్టైలిష్ గా కనిపిస్తున్నాడు. ఈ సినిమా మంచి విజయం సాధిస్తుందని చిత్ర యూనిట్ ఆశాభావం వ్యక్తం చేస్తున్నారు.

సన్నీ సంగీతం అందించిన పాటలను వచ్చె నెల మొదటి వారంలో విడుదల చేసి, సినిమాను వచ్చే నెల 20వ తేదిన ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. త్వరలోనే అధికారికంగా ప్రకటించనున్నారు.