థలా ఆఫర్ తో పిచ్చెక్కిపోతున్న బిందు

Posted: 02/20/2015 05:54 PM IST

సినీ నటీనటులకు అభిమానులు వుండటం సహజం. కానీ తన తోటి నటీనటుల్లో కూడా పిచ్చిఅభిమానులు కూడా వుంటారనే విషయం తెలిసిందే. తెలుగులో పవన్ కళ్యాణ్, మహేష్ బాబు వంటి స్టార్ హీరోలకు పిచ్చెక్కిపోయే విధంగా యువ హీరోహీరోయిన్లు అభిమానులున్న విషయం తెలిసిందే.

కానీ అలాంటి తమ అభిమాన నటీనటులతో నటించే అవకాశం వస్తే ఎలా వుంటుందో ఒకసారి ఉహించుకోండి. అలాంటి ఓ భారీ ఆఫర్ ‘ఆవకాయ బిర్యానీ’ భామ బిందుమాధవి దక్కినట్లుగా తెలిసింది. తెలుగులో ఒకప్పుడు హీరోయిన్ గా ఎంట్రీ ఇచ్చిన బిందుమాధవీకి ప్రస్తుతం తెలుగులో అంతగా అవకాశాలు రావడంలేదు.

దీంతో తమిళంలో వరుసగా అవకాశాలు దక్కించుకుంటుంది. వరుస సినిమాలతో ప్రస్తుతం బిందుమాధవి బిజీగా వుంది. అలాంటి ఈ అమ్మడికి తన అభిమాన నటుడు థలా అజిత్ సినిమాలో నటించే అవకాశం వచ్చింది. ప్రముఖ దర్శకుడు శివ దర్శకత్వంలో అజిత్ హీరోగా తాజాగా ఓ చిత్రం రూపొందనుంది.

ఇందులో ఓ స్పెషల్ పాత్ర కోసం బిందుమాధవిని చిత్ర నిర్మాతలు సంప్రదించారట. తన అభిమాన హీరో సినిమాలో నటించే అవకాశం రావడంతో వెంటనే ఒప్పేసుకుందట బిందు మాధవి. మరి ఈ అమ్మడికి, అజిత్ కు మధ్య ఎలాంటి సన్నివేశాలు వుండనున్నాయో చూడాలి.