మార్చి 20న తుంగభద్ర విడుదల

Posted: 03/09/2015 02:58 PM IST

ఆదిత్, డింపుల్ చోపడే హీరోహీరోయిన్లుగా నటించిన తాజా చిత్రం ‘తుంగభద్ర’. ప్రముఖ నిర్మాణ సంస్థ వారాహి చలన చిత్రం బ్యానర్లో నిర్మాత సాయికొర్రపాటి ఈ చిత్రాన్ని నిర్మించారు. ‘ఈగ’ చిత్రంతో సక్సెస్ ఫుల్ నిర్మాతగా క్రెడిట్ సంపాదించి ‘అందాల రాక్షసి’ చిత్రంతో ఉత్తమాభిరుచిగల నిర్మాతగా మంచి గుర్తింపు పొందారు నిర్మాత సాయికొర్రపాటి. గతేడాది నటసింహ నందమూరి బాలకృష్ణ ‘లెజెండ్’ చిత్రంతో బ్లాక్ బస్టర్ హిట్ సాధించిన సాయికొర్రపాటి.... ఆ తర్వాత ‘ఉహలు గుసగసలాడే’, ‘దిక్కులు చూడకు రామయ్య’ చిత్రాలతో హ్యట్రిక్ విజయాలను అందుకున్నాడు.

ప్రస్తుతం వారాహి చలన చిత్రం బ్యానర్ పై సాయి శివాని సమర్పణలో సాయికొర్రపాటి ప్రొడక్షన్‌పై రజని కొర్రపాటి నిర్మించిన చిత్రం ‘తుంగభద్ర’. శ్రీనివాసకృష్ణ గోగినేని దర్శకుడిగా పరిచయం అవుతున్నారు. పల్లెటూరి ప్రేమకథా చిత్రంగా రూపొందిన ఈ సినిమా ఆడియో ఇటీవలే విడుదలై మంచి టాక్ ను సొంతం చేసుకుంది. అలాగే ట్రైలర్లకు కూడా మంచి స్పందన వస్తోంది.

ఈ చిత్రాన్ని ఈనెల 8న విడుదల చేయాలని అనుకున్నారు. కానీ ఎందుకో కొన్ని అనివార్య కారణాల వలన వాయిదా వేసారు. అన్నీ కార్యక్రమాలు పూర్తి చేసుకున్న ఈ చిత్రాన్ని ఈనెల 20న గ్రాండ్ గా విడుదల చేయడానికి చిత్ర యూనిట్ సన్నాహాలు చేస్తున్నారు.  ఆదిత్, డింపుల్ చోపడే హీరోహీరోయిన్లుగా నటించిన ఈ చిత్రంలో కోటశ్రీనివాసరావు, సత్యరాజ్, చలపతిరావు, సప్తగిరి, కోటశంకరరావు, పవిత్రా లోకేష్, రాజేశ్వరి నాయర్, ధనరాజ్, నవీన్ నేని, రవివర్మ, జబర్ దస్త్ శ్రీను, చరణ్, శశాంక్, కల్పలత, శ్రీనివాస్ ఇతర తారాగణం.

ఈ చిత్రానికి సాహిత్యం: సాహితి, రామజోగయ్య శాస్త్రి, చైతన్య ప్రసాద్, రాధా సుబ్రహ్మణ్యం, గణేష్ సలాది, పైట్స్: నందు, డ్రాగన్ ప్రకాష్, సాల్మన్ రాజ్, పి.ఆర్.ఓ: వంశీ-శేఖర్, పబ్లిసిటీ డిజైనర్: ధని ఏలే, ఆర్ట్: హరివర్మ, కొరియోగ్రఫీ: శంకర్, ఎడిటింగ్: తమ్మిరాజు, సంగీతం: హరి గౌర, సినిమాటోగ్రఫీ: రాహుల్ శ్రీవాత్సవ్, కో ప్రొడక్షన్: సిల్లి మాంక్స్, నిర్మాత: రజని కొర్రపాటి, రచన-దర్శకత్వం: శ్రీనివాసకృష్ణ గోగినేని.