బాహుబలి పోస్టర్ మొత్తం కాపీ చేసినట్లేనా

Posted: 05/02/2015 01:18 PM IST

Rajamouli bahubali first look poster copied from simon birch

వరుస హిట్ చిత్రాలతో దూసుకెళ్తున్న రాజమౌళి తెరకెక్కిస్తున్న భారీ బడ్జెట్ చిత్రం ‘బాహుబలి’. తెలుగు సినీ ప్రేక్షకులంతా ఎంతగానో ఎదురుచూస్తున్న ఈ చిత్రం ఫస్ట్ లుక్ పోస్టర్ ను నిన్న విడుదల చేసిన విషయం తెలిసిందే. ఈ ఫస్ట్ లుక్ కు భారీ రెస్పాన్స్ వస్తోంది. అందరూ ఈ ఫస్ట్ లుక్ ను ప్రశంసిస్తుంటే.. మరికొందరేమో ఈ పోస్టర్ పై విమర్శలు చేస్తున్నారు.

ఈ ఫస్ట్ లుక్ పోస్టర్ హాలీవుడ్ లో వచ్చిన ‘సిమోన్ బిర్చ్’ అనే చిత్రం పోస్టర్ నుంచి కాపీ కొట్టారంటూ ప్రచారం చేస్తున్నారు కొందరు. ‘సిమోన్ బిర్చ్’ అనే హాలీవుడ్ సినిమా పోస్టర్ అచ్చం ‘బాహుబలి’ లేటెస్ట్ పోస్టర్ వలే వుంది. దీంతో హాలీవుడ్ సినిమా పోస్టర్ ను కాపీ కొట్టేసారంటూ వార్తలొస్తున్నాయి.

గతంలో ‘బాహుబలి’ మేకింగ్ వీడియో కోసం రూపొందించిన వీడియో స్టైల్ ను కూడా కాపీ కొట్టారంటూ వార్తలొచ్చాయి. మరి ఇప్పుడు ఇలా పోస్టర్ ను కూడా కాపీ కొట్టారంటూ వార్తలొస్తున్నాయి. మరి ఈ విషయంపై ‘బాహుబలి’ యూనిట్ ఎలా స్పందించనుందో... అసలు ఇలాంటి చిన్న చిన్న విషయాలు పట్టించుకుంటుందో లేదో చూడాలి.

ప్రభాస్, అనుష్క, రానా, తమన్నా ప్రధాన పాత్రలలో నటించిన ఈ చిత్ర థియేటర్ ట్రైలర్ ను ఈనెల 31వ తేదిన విడుదల చేయనున్నారు. ఈ చిత్రాన్ని జులై 10న ప్రపంచ వ్యాప్తంగా భారీ ఎత్తున విడుదల చేయడానికి సన్నాహాలు చేస్తున్నారు. యం.యం.కీరవాణి సంగీతం అందించిన పాటలను జూన్ నెలలో విడుదల చేయనున్నారు. త్వరలోనే అన్ని వివరాలు అధికారికంగా తెలియజేస్తారు.