మహేష్ చిత్రానికి గిబ్రాన్ జిల్ మ్యూజిక్

Posted: 05/21/2015 03:16 PM IST

మహేష్ బాబు హీరోగా పూరీ జగన్నాథ్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘పోకిరి’, ‘బిజినెస్ మాన్’ వంటి బ్లాక్ బస్టర్ హిట్ చిత్రాల మళ్లీ వీరిద్దరి కాంబినేషన్ రిపీట్ కానుంది. ఈ చిత్రానికి ‘రోగ్’ అనే టైటిల్ ను పరిశీలిస్తున్నారు. ఈ సినిమాను వైజయంతీ మూవీస్‌ పతాకంపై సి.అశ్వనీదత్‌ నిర్మించనున్నారు.

ఈ చిత్రానికి ప్రముఖ సంగీత దర్శకుడు గిబ్రాన్ సంగీతం అందించనున్నాడని తెలిసింది. కొత్త టాలెంట్ ను ప్రోత్సహించడంలో పూరీ ఎప్పుడూ ముందే వుంటారనే విషయం తెలిసిందే. తెలుగులోకి ‘రన్ రాజా రన్’ సినిమాతో ఎంట్రీ ఇచ్చిన సంగీత దర్శకుడు గిబ్రాన్... ఇటీవలే గోపిచంద్ హీరోగా నటించిన ‘జిల్’ సినిమాకు సంగీతం అందించాడు. అలాగే తమిళంలో కమల్ హాసన్ నటిస్తున్న వరుస సినిమాలకు గిబ్రాన్ సంగీతం అందిస్తున్నాడు.

గిబ్రాన్ మ్యూజిక్ కు ఫ్లాట్ అయిన పూరీ.. మహేష్ చిత్రానికి సంగీత దర్శకుడిగా గిబ్రాన్ కు ఛాన్స్ ఇచ్చినట్లుగా తెలిసింది. ఈ చిత్ర వివరాలు త్వరలోనే తెలియనున్నాయి. ప్రస్తుతం ‘జ్యోతిలక్ష్మీ’ సినిమా పోస్ట్ ప్రొడక్షన్ పనుల్లో, అలాగే చిరు 150వ సినిమా ప్రీ ప్రొడక్షన్ పనుల్లో బిజీగా వున్నాడు.