సమంత భామతో త్రివిక్రమ్ లేడి ఓరియెంటెడ్?

Posted: 06/17/2015 11:48 AM IST

మాటల మాంత్రికుడిగా పేరు దక్కించుకున్న ప్రముఖ దర్శకుడు త్రివిక్రమ్ శ్రీనివాస్ ఇప్పటి వరకు కమర్షియల్, ఫ్యామిలీ యాక్షన్ ఎంటర్ టైనర్ చిత్రాలను తెరకెక్కిస్తూ ప్రేక్షకులను అలరించారు. అయితే ఇపుడు సరికొత్తగా త్రివిక్రమ్ ఓ లేడీ ఓరియెంటెడ్ సినిమాను తెరకెక్కించబోతున్నట్లుగా వార్తలొస్తున్నాయి.

ఇటీవలే అల్లు అర్జున్ తో ‘సన్నాఫ్ సత్యమూర్తి’ వంటి బ్లాక్ బస్టర్ హిట్ చిత్రాన్ని తెరకెక్కించాడు. అంతకు ముందు పవన్ కళ్యాణ్ తో ‘అత్తారింటికి దారేది’ చిత్రాన్ని తెరకెక్కించాడు. ఈ రెండు చిత్రాలు కూడా భారీ విజయాన్ని సాధించి, భారీ కలెక్షన్లను రాబట్టాయి. అయితే ఇంత పెద్ద భారీ కమర్షియల్ చిత్రాల తర్వాత త్రివిక్రమ్ ఇపుడు ఓ లేడి ఓరియెంటెడ్ చిత్రాన్ని రూపొందించడానికి సన్నాహాలు చేస్తున్నట్లుగా తెలిసింది.

ఇందులో సమంతను ప్రధాన పాత్ర కోసం ఎంపిక చేసుకున్నట్లుగా తెలిసింది. అయితే ఈ చిత్రం మాములు కమర్షియల్ సినిమాల వలే వుండబోతుందని తెలిసింది. హర్రర్, థ్రిల్లర్ జోనర్ లో కాకుండా సింపుల్ స్టోరీ లైన్ తో త్రివిక్రమ్ ఈ సినిమాను ప్లాన్ చేస్తున్నట్లుగా తెలిసింది. ఈ ప్రాజెక్టు వివరాలను త్వరలోనే అధికారికంగా ప్రకటించనున్నారు.