మలేషియాలో అనుష్క సైజ్ జీరో మోత?

Posted: 07/07/2015 03:59 PM IST

‘రుద్రమదేవి’, ‘బాహుబలి’ చిత్రాల తర్వాత స్టార్ హీరోయిన్ అనుష్క ప్రస్తుతం ‘సైజ్ జీరో’ చిత్రంలో నటిస్తున్న విషయం తెలిసిందే. ప్రకాష్ కోవెలమూడి దర్శకత్వంలో తెరకెక్కుతున్న ఈ చిత్రాన్ని పివిపి బ్యానర్లో నిర్మాత ప్రసాద్ వి పోట్లూరి భారీ బడ్జెట్ తో తెలుగు, తమిళ భాషలలో ఏకకాలంలో ఈ చిత్రాన్ని నిర్మిస్తున్నారు.

ప్రముఖ సంగీత దర్శకుడు ఎం.ఎం.కీరవాణి సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. అయితే ఈ ఆడియో విడుదల కార్యక్రమాన్ని మలేషియా లేదా సింగపూర్ లో జరుపడానికి చిత్ర దర్శకనిర్మాతలు సన్నాహాలు చేస్తున్నట్లుగా సమాచారం. ఈ విధంగా చేయడం వల్ల అక్కడ కూడా ఈ సినిమాను భారీగా ప్రమోట్ చేసినట్లుగా వుంటుందనే వుద్దేశ్యంతో ప్లాన్ చేస్తున్నారని తెలిసింది.

ఇందులో తమిళ హీరో ఆర్య ముఖ్య పాత్రలో నటిస్తున్నాడు. ఇందులో అనుష్క రెండు విభిన్న పాత్రలలో నటించనుంది. చిత్ర షూటింగ్ దాదాపు చివరి దశకు చేరుకోవడంతో పోస్ట్ ప్రొడక్షన్ పనులను కూడా వేగవంతం చేసారు. ఈ చిత్రానికి ప్రకాశ్ కోవెలమూడి భార్య అయిన కనిఖ థిల్లన్ కథ, స్ర్కీన్ ప్లే ను అందిస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.