అనుష్క పేరు వింటేనే మండిపడుతున్న చిన్నది

Posted: 08/26/2015 10:32 AM IST

సినిమా ఇండస్ట్రీలో ఇద్దరు స్టార్ హీరోయిన్లు ఒకే సినిమాలో వుంటే చాలా మనస్పర్థలు వస్తూ వుంటాయని, ఒకరంటే ఒకరికి పడదని అందరికి తెలిసిందే. కానీ అందరూ అలా వుండరు కదా! కొందరు హీరోయిన్లు మాత్రమే అలా భవిస్తూ వుంటారు. కానీ బాలీవుడ్ లో చాలా మంది హీరోయిన్లు కలిసి పనిచేయడానికి వెనుకాడరు. పైగా బాలీవుడ్ లో మల్టీస్టారర్ చిత్రాలు చాలా ఎక్కువ.

కానీ బాలీవుడ్ యంగ్ హాట్ హీరోయిన్ పరిణీతి చోప్రా మాత్రం ఓ హీరోయిన్ పేరు చెబితేనే గరంగరం అవుతుందట. ఇంతకీ ఆ హీరోయిన్ ఎవరని అనుకుంటున్నారా? ఆవిడే అనుష్క శర్మ. అనుష్క శర్మతో కలిసి నటించేందుకు పరిణితీ చోప్రా అస్సలు సిద్ధంగా లేదట.

సల్మాన్ ఖాన్ హీరోగా యశ్ రాజ్ ఫిలింస్ సంస్థ ‘సుల్తాన్’ అనే సినిమా రూపొందించనున్న విషయం తెలిసిందే. ఇందులో సల్మాన్ సరసన చాలా మంది స్టార్ హీరోయిన్లను అనుకున్నారు. కానీ చివరగా అనుష్క శర్మ, పరిణితీ చోప్రాలను ఎంపిక చేసారు. అయితే అనుష్క పక్కన తాను నటించడానికి సిద్ధంగా లేనంటూ పరిణీతి చోప్రా ఈ ప్రాజెక్టును రిజెక్ట్ చేసిందట.

సల్మాన్ అంటే తనకు ఇష్టమేనని, యశ్ రాజ్ సంస్థ ద్వారానే తాను ఈ సినిమాల్లోకి ఎంట్రీ ఇచ్చినప్పటికీ... కానీ అనుష్క నటిస్తున్న సినిమాలో మాత్రం తాను ససేమిరా నటించేది లేదని పరిణీతి చోప్రా ఈ ప్రాజెక్టును తిరస్కరించిందట. దీంతో అనుష్క, పరిణీతిల మధ్య భారీగానే కోల్డ్ వార్ జరుగుతుందని బాలీవుడ్ జనాలు ఊహించేసుకుంటున్నారు. మరి పరిణీతి ఇంతా ఆగ్రహంతో ఊగిపోవడానికి గల కారణం ఏమిటో భవిష్యత్తులోనే తెలియనుంది.