పవన్ కళ్యాణ్ సర్దార్ రిలీజ్ డేట్..?

Posted: 09/25/2015 05:43 PM IST

పవన్ కళ్యాణ్ హీరోగా నటిస్తున్న తాజా చిత్రం సర్దార్ సినిమా విడుదలపై ఓ వార్త షికారు చేస్తోంది. కెఎస్ రవింద్ర దర్శకత్వంలో వస్తున్న సర్దార్ సినిమా ప్రస్తుతం హైదరాబాద్ లో షూటింగ్ జరుపుకుంటోంది. పవర్ సినిమా తర్వాత కెఎస్ రవింద్ర పవన్ కళ్యాణ్ తాజా చిత్రాన్ని డైరెక్షన్ చేస్తున్నారు. గతంలో వచ్చిన గబ్బర్ సింగ్ సినిమాకు సీక్వెల్ గా వస్తున్న సర్దార్ సినిమా మీద భారీ అంచనాలున్నాయి. ఇప్పటికే విడుదలైన పోస్టర్, టీజర్ పవన్ కళ్యాణ్ అభిమానులకు కనువిందు చేశాయి. గబ్బర్ సింగ్ లాంటి భారీ హిట్ తర్వాత అదే సిరీస్ లో వస్తున్న సర్దార్ సినిమా విడుదల తేదిపై అప్పుడే చర్చలు సాగుతున్నాయి.

సర్దార్ సినిమాలో పవన్ కళ్యాణ్ సరసన కాజల్ అగర్వాల్ హీరోయిన్ గా నటిస్తోంది.అయితే అన్ని షూటింగ్ షెడ్యూల్ లు పూర్తి చేసుకొని.. సంక్రాంతి నాటికి సినిమాను విడుదల చెయ్చడానికి నిర్మాతలు ప్లాన్ చేస్తున్నట్లు తెలుస్తోంది. కానీ డిసెంబర్ నాటికి మొత్తం షూటింగ్ పూర్తి చెయ్యడం కుదరదని.. జనవరిలో కాకుండా ఏప్రిల్ 29 నాడు సర్దార్ ను ప్రేక్షకుల ముందుకు తీసుకురావాలని ప్లాన్ చేస్తున్నారట. ఎరాస్ ఇంటర్నేషనల్, నార్త్ స్టార్ నిర్మాణంలో వస్తున్న సర్దార్ సినిమాకు దేవిశ్రీప్రసాద్ మ్యూజిక్ అందిస్తున్నారు.