ఆ సినిమా కోసం మహేష్ 30కోట్ల రెమ్యునరేషన్?

Posted: 11/17/2015 04:21 PM IST

Mahesh demands 30 crore remuneration for murugadoss film

టాలీవుడ్ ప్రిన్స్ మహేష్ బాబు హీరోగా ప్రస్తుతం ‘బ్రహ్మోత్సవం’ చిత్రం తెరకెక్కుతున్న విషయం తెలిసిందే. ప్రముఖ దర్శకుడు శ్రీకాంత్ అడ్డాల దర్శకత్వంలో రూపొందుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ పివిపి బ్యానర్ పై ప్రసాద్.వి.పోట్లూరి నిర్మిస్తున్నారు. ‘బ్రహ్మోత్సవం’ తర్వాత సినిమాకు మహేష్ భారీ రెమ్యునరేషన్ తీసుకోబోతున్నాడని తెలిసింది.

‘బ్రహ్మోత్సవం’ తర్వాత మహేష్ హీరోగో ప్రముఖ తమిళ దర్శకుడు ఏఆర్ మురుగదాస్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘గజిని’, ‘తుపాకీ’, ‘కత్తి’ వంటి భారీ బ్లాక్ బస్టర్ హిట్ చిత్రాలతో దర్శకుడిగా తనకంటూ ఓ ప్రత్యేక స్థానాన్ని సొంతం చేసుకున్న దర్శకుడు మురుగదాస్. ఇటీవలే మురుగదాస్ చెప్పిన స్టోరీలైన్ మహేష్ కు బాగా నచ్చడంతో వెంటనే గ్రీన్ సిగ్నల్ ఇచ్చేసాడని, దాదాపు ఈ ప్రాజెక్టు ఖరారు అయినట్లుగా తెలిసింది.

ఈ ప్రాజెక్టును ప్రముఖ నిర్మాతలు ఆర్.బి.చౌదరి, ఎన్వీ ప్రసాద్ లు సంయుక్తంగా నిర్మించనున్నారు. ఈ ప్రాజెక్టుకు సంబంధించిన అన్ని వివరాలు త్వరలోనే అధికారికంగా ప్రకటించనున్నారు. అయితే తెలుగు, తమిళం భాషలలో ఏకకాలంలో రూపొందనున్న ఈ సినిమా కోసం మహేష్ 30 కోట్ల రెమ్యునరేషన్ తీసుకోబోతున్నట్లుగా తెలిసింది.

తాజాగా ‘శ్రీమంతుడు’ సినిమా బ్లాక్ బస్టర్ హిట్టవ్వడం, అలాగే ‘బ్రహ్మోత్సవం’ సినిమాకు ముందు నుంచే పాజిటివ్ టాక్ రావడంతో.. మహేష్ తన రెమ్యునరేషన్ ను భారీగా పెంచేసాడని సమాచారం. ఒకవేళ ఇదే నిజమైతే టాలీవుడ్ లో అత్యధికంగా రెమ్యునరేషన్ తీసుకునే హీరోల్లో మహేష్ కొత్త రికార్డులు క్రియేట్ చేయడం ఖాయం.