అఖిల్ అతని రాయబారి అవుతాడా?

Posted: 12/01/2015 04:14 PM IST

అక్కినేని అఖిల్ హీరోగా నటించిన ‘అఖిల్’ సినిమా ఇటీవలే విడుదలై అట్టర్ ఫ్లాప్ అయ్యింది. వి.వి.వినాయక్ దర్శకత్వంలో రూపొందిన ఈ చిత్రాన్ని హీరో నితిన్ భారీ బడ్జెట్ తో నిర్మించారు. అయితే ఈ సినిమా అనుకున్న స్థాయిలో విజయం సాధించలేకపోయింది. దీంతో అఖిల్ తన రెండవ సినిమాపై దృష్టి సారించాడు.

ఇటీవలే మెగా హీరో వరుణ్ తేజ నటించిన ‘కంచె’ సినిమాను అక్కినేని నాగార్జున ప్రశంసించిన విషయం తెలిసిందే. దీంతో అఖిల్ తన రెండవ చిత్రాన్ని కూడా ‘కంచె’ దర్శకుడు క్రిష్ దర్శకత్వంలో చేయడానికి సిద్ధమవుతున్నట్లుగా తెలిసింది. ప్రస్తుతం అఖిల్ కోసం క్రిష్ ఓ విభిన్నమైన స్ర్కిప్ట్ ను సిద్ధం చేస్తున్నట్లుగా తెలిసింది.

తాజాగా క్రిష్ ‘రాయబారి’ అనే టైటిల్ ను ఫిలిం ఛాంబర్ లో రిజిస్టర్ చేయించారు. ఈ ‘రాయబారి’ టైటిల్ అఖిల్ కోసమేనని సినీవర్గాల అంచనా. మరి అఖిల్ రెండవ సినిమా క్రిష్ దర్శకత్వంలో వుంటుందో లేదో త్వరలోనే తెలియనుంది.