హేభ వెంటపడుతున్న రాజ్ తరుణ్?

Posted: 12/03/2015 01:05 PM IST

‘ఉయ్యాల జంపాలా’, ‘సినిమా చూపిస్త మావ’, ‘కుమారి21ఎఫ్’ వంటి వరుస హిట్ చిత్రాలతో దూసుకుపోతున్నాడు రాజ్ తరుణ్. హ్యట్రిక్ హిట్ ను సొంతం చేసుకున్న రాజ్ తరుణ్ తన తర్వాత సినిమాలను చక్కగా ప్లాన్ చేసుకుంటున్నాడు. ఇటీవలే ఓ మల్టీస్టారర్ చిత్రానికి రాజ్ తరుణ్ గ్రీన్ సిగ్నల్ ఇచ్చేసాడు.

జి. నాగేశ్వరరెడ్డి దర్శకత్వంలో తెరకెక్కనున్న ఈ సినిమాలో విష్ణు, రాజ్ తరుణ్ లు ప్రధాన పాత్రలలో నటించనున్నారు. ఏకే ఎంటర్టైన్మెంట్స్ బ్యానర్ పై అనిల్ సుంకర నిర్మించనున్నాడు. ఇందులో రాజ్ తరుణ్ సరసన అవికా గోర్ ను హీరోయిన్ గా అనుకున్నారు. ఇప్పటికే వీరిద్దరూ ‘ఉయ్యాల జంపాలా’, ‘సినిమా చూపిస్త మావ’ చిత్రాల్లో నటించి, హిట్ పెయిర్ గా మంచి మార్కులు కొట్టేసారు. అందుకే మరోసారి వీరి జంట అయితే బాగుంటుందని భావించారు.

కానీ తాజాగా అవికా స్థానంలో హేభ పటేల్ ను చిత్ర యూనిట్ ఎంపిక చేసినట్లుగా తెలుస్తోంది. తాజాగా రాజ్ తరుణ్-హేభ పటేల్ కలిసి నటించిన ‘కుమారి21ఎఫ్’ సినిమా మంచి విజయం సాధించడం, ఇందులో వీరిద్దరి కెమిస్ట్రీ బాగా వర్కౌట్ అవడంతో.. మరోసారి వీరిద్దరినే తమ సినిమాలో తీసుకోవాలని విష్ణు టీం భావిస్తున్నట్లుగా తెలుస్తుంది. త్వరలోనే చిత్ర యూనిట్ అధికారిక ప్రకటన విడుదల చేయనున్నారు.