అన్నింటిలో గెలికేస్తున్నాడట!

Posted: 05/06/2016 10:27 AM IST

టాలీవుడ్ లో వరుస విజయాలతో దూసుకుపోతున్న కుర్ర హీరో రాజ్ తరుణ్... తన ప్రవర్తనతో వరుసగా పెద్ద పెద్ద సినీ ఆఫర్లు కోల్పోతున్నట్లుగా తెలుస్తోంది. ‘ఉయ్యాల జంపాలా’ సినిమాతో హీరోగా ఎంట్రీ ఇచ్చిన రాజ్ తరుణ్... ఇటీవలే ‘ఈడోరకం ఆడోరకం’ సినిమాతో మరోసారి భారీ హిట్టును సొంతం చేసుకున్నాడు.

దీంతో రాజ్ తరుణ్ తో సినిమాలు చేయడానికి పలు అగ్ర దర్శకనిర్మాతలు ముందుకొస్తున్నారు. కానీ రాజ్ తరుణ్ మాత్రం కథల విషయంలో జోక్యం చేసుకొని గెలికేస్తున్నాడని, కథను మార్చాలని, హీరోయిన్ల సెలక్షన్ల విషయాలలో తాను చెప్పినట్లే చేయాలంటూ జోక్యం చేసుకుంటున్నాడని సమాచారం.

రాజ్ తరుణ్ ప్రవర్తన వల్లనే చాలా మంది నిర్మాతలు అతడిని పక్కనపెట్టినట్లుగా తెలిసింది. ప్రముఖ నిర్మాత దిల్ రాజు నిర్మించనున్న ‘శతమానం భవతి’ సినిమాలో ముందుగా రాజ్ తరుణ్ ను హీరోగా అనుకున్నప్పటికీ.. ఈ సినిమా విషయంలో రాజ్ తరుణ్ జోక్యం చేసుకొని చాలా మార్పులు చేయాలంటూ చెప్పడంతో.. ఈ ప్రాజెక్ట్ నుంచి రాజ్ తరుణ్ ను తప్పించి హీరో శర్వానంద్ ఈ సినిమా ప్లాన్ చేసినట్లుగా సమాచారం. అలాగే మధుర శ్రీధర్ కూడా రాజ్ తరుణ్ తో సినిమా క్యాన్సిల్ అయినట్లుగా సమాచారం.

ఇలా దాదాపు మూడు, నాలుగు ప్రాజెక్టులు రాజ్ తరుణ్ తన అతితెలివి ప్రదర్శించి, అన్నింటిలో జోక్యం చేసుకొని ఆఫర్లను పోగొట్టుకున్నాడని సినీవర్గాల సమాచారం. మరి ఈ విషయాలపై రాజ్ తరుణ్ ఎలా స్పందిస్తాడో చూడాలి.