జనతాగ్యారేజ్ స్టోరీ ఇదేనా..?

Posted: 05/03/2016 11:29 AM IST

యంగ్ టైగర్ ఎన్టీఆర్, కొరటాల శివ డైరెక్షన్ లో చేస్తున్న జనతాగ్యారేజ్ సినిమా మీద భారీ అంచనాలున్నాయి. తెలుగుతో పాటుగా మళయాళం, తమిళ్, కన్నడలో ఈ సినిమాను రిలీజ్ చేసేందుకు నిర్మాతలు ప్లాన్ చేస్తున్నారు. ఈ సినిమాలో మోహన్ లాల్ లాంటి స్టార్లు కూడా నటిస్తుండటంతో మరింత అంచనాలు పెరిగాయి. ఈ సినిమా టీజర్ కానీ పోస్టర్లు కానీ ఇప్పటిదాకా విడుదల కాలేదు. కానీ తాజాగా ఏకంగా సినిమా స్టోరీనే లీక్ అయింది అంటూ వార్తలు వస్తున్నాయి. దాని ప్రకారం సినిమా స్టోరీ ఏంటంటే..

మోహన్ లాల్ ఓ పెద్ద డాన్ గా ఉంటాడు. ఆయన కనుసన్నల్లోనే అన్ని జరుగుతుంటాయి. ఆయన తమ్ముడు సాయి కుమార్. సాయి కుమార్ కొడుకుగా ఎన్టీఆర్ ఐఐటీ చేస్తుంటారు. అయితే ఏవో కారణాల వల్ల మోహన్ లాల్ మామూలు వ్యక్తిలా మారి.. ముంబైకి వెళ్లి అక్కడ జనతాగ్యారేజ్ అనే వర్క్ షాప్ ను ప్రారంభిస్తాడు. ఎన్టీఆర్ తన పెదనాన్న మోహన్ లాల్ కు గ్యారేజ్ లో హెల్ప్ చేస్తాడు. కాగా ఓ సారి ఎన్టీఆర్ కు తన పెదనాన్న బ్యాగ్రౌండ్ తెలుస్తుంది. అసలు ఏం జరిగింి అని తెలుసుకోవడానికి ఎన్టీఆర్ రంగంలోకి దిగుతాడు. ఇదీ ప్రస్తుతానికి బయటకు వచ్చిన స్టోరీ అని పుకారు. మరి ఇది ఎంత వరకు నిజమో క్లారిటీ లేదు.