బ్రహ్మోత్సవం గురించి ఎన్టీఆర్ కు ముందే తెలుసా..?

Posted: 05/23/2016 11:32 AM IST

నందమూరి హీరోల్లో యంగ్ అండ్ డైనమిక్ హీరోగా ఎన్టీఆర్ కు గుర్తింపు ఉంది. యంగ్ టైగర్ కు నందమూరి అభిమానుల్లో ప్రత్యేక గుర్తింపు కూడా ఉంది. అయితే తాజాగా ఓ వార్త సోషల్ మీడియాలో తెగ హల్ చల్ చేస్తోంది. శ్రీకాంత్ అడ్డాల, మహేష్ బాబు కాంబినేషన్ లో తాజాగా వచ్చిన బ్రహ్మోత్సవం సినిమా కథ ముందు ఎన్టీఆర్ ముందుకు వచ్చిందని వార్త సంచలనం రేపుతోంది,. ఎన్టీఆర్ ఈ కథను విన్న తర్వాత నో చెప్పాడని టాలీవుడ్ లో ప్రచారం జరుగుతోంది. బ్రహ్మోత్సవం గురించి ఎన్టీఆర్ ముందే ఊహించాడని కూడా జనాలు అనుకుంటున్నారు. అయితే దీని మీద ఎన్టీఆర్ సన్నిహితులు క్లారిటీ ఇచ్చారు.

యంగ్ టైగర్ ఎన్టీఆర్ తో శ్రీకాంత్ అడ్డాల సీతమ్మ వాకిట్లో సిరిమల్లె చెట్టు సినిమా తర్వాత కలిసినట్లు వస్తున్న వార్తల్లో నిజంలేదని ఎన్టీఆర్ సన్నిహితులు అంటున్నారు. అసలు ఇప్పటి దాకా ఎన్టీఆర్, :శ్రీకాంత్ అడ్డాల కలవలేదని వారు స్పష్టం చేస్తున్నారు. మొత్తానికి సీతమ్మ వాకిట్లో సిరిమల్లె చెట్టు తర్వాత మహేష్ తో చేసిన బ్రహ్మోత్సవం శ్రీకాంత్ అడ్డాలకు, మహేష్ బాబుకు కూడా కెరీర్ డిజాస్టర్ గా నిలుస్తోందని అందరూ గుసగుసలాడుతున్నారు.