అందుకే సినిమా లేట్...!

Posted: 06/21/2016 12:27 PM IST

టాలీవుడ్ లో ప్రిన్స్ మహేష్ బాబు బ్రహ్మోత్సవం సినిమా డిజాస్టర్ తర్వాత భారీ సినిమాకి శ్రీకారం చుట్టిన సంగతి తెలిసిందే. మహేష్ బాబు మురుగదాస్ కాంబినేషన్ లో ఒక యాక్షన్ సినిమాని ప్లాన్ చేస్తున్నారు. ఈ సినిమాపై రకరకాల ఊహాగానాలు వినిపిస్తున్న నేపథ్యంలో ఫిలిం నగర్ లో ఒక టాక్ మొదలైంది.
మురుగదాస్ ప్రస్తుతం శత్రుఘ్నసిన్హా కూతురు హీరోయిన్ గా అకీరా సినిమాని తెరకెక్కిస్తున్నాడు. ఈ సినిమా సెప్టెంబర్ లో విడుదలే చేసేందుకు ప్రయత్నాలు చేస్తున్నాడు.

గజిని, హాలీడే సినిమాల తర్వాత బాలీవుడ్ లో తన అదృష్టాన్ని మరోసారి పరీక్షించుకోనున్నాడు ఈ దర్శకుడు. ఇప్పుడు ఈ సినిమా పోస్ట్ ప్రొడక్షన్ పనులు, మహేష్ బాబు తో సినిమా ప్రీ ప్రొడక్షన్ పనులను స్టార్ట్ చేసేశాడు. అయితే ఈ సినిమాలో మహేష్ ని డిఫెరెంట్ గా చూపించేందుకు మురుగదాస్ ట్రై చేస్తున్నాడు. అందుకోసం మహేష్ హెయిర్ స్టైల్, బాడీ లాంగ్వేజ్ మొత్తం మార్చనున్నాడట. అందుకే సినిమా షూటింగ్ లేట్ అవుతోందని ముందుగా ఈ సినిమాకి సంబంధించిన సాంగ్స్ ని రికార్డ్ చేసారని చెప్తున్నారు అందరూ.

మరోటాక్ ఏంటంటే ఈ సినిమాలో మహేష్ డ్యూయల్ రోల్ చేయబోతున్నాడని అందుకుగానూ తన లుక్ ని మారుస్తున్నాడని, ఫుల్ గెడ్డంతో ఈసారి పక్కా మాస్ లుక్ ఇస్తాడని చెప్తున్నారు. ఏది ఏమైనా మురుగదాస్ సినిమా అంటే ఆ రేంజ్ వేరని, ఇప్పటికే భారీగా ఈ సినిమాకి బిజినెస్ జరిగిపోతోందని టాక్. సినిమా లేట్ అయినా కూడ సూపర్ హిట్ చేసి తీరాలనే సంకల్పంతో మురుగదాస్ ఉన్నాడని ఈసారి ఈ కాంబో ఖచ్చితంగా బ్లాక్ బస్టర్ ఇస్తుందని చెప్తున్నారు. ఈ సినిమాని తమిళ, తెలుగు భాషల్లోనే కాకుండా హిందీలో కూడ ఒకేసారి రిలీజ్ చేసే ఆలోచనలో ఉన్నట్లుగా తెలుస్తోంది.

- మూర్తి