బాలయ్య కోసం బాబు కొడుకు?

Posted: 06/23/2016 04:07 PM IST

గత కొద్దిరోజులుగా టాలీవుడ్ గురించి రెండే డిస్కషన్లు. ఒకటి చిరు 150వ చిత్రం కాగా, మరోకటి బాలయ్య వందో చిత్రం. అయితే మెగాస్టార్ రెగ్యులర్ మాస్ కంటెంట్ తో మ్యాజిక్ చేసేందుకు సిద్ధమైపోతుంటే, బాలయ్య మాత్రం చాలా ప్రత్యేకమైన చిత్రంతో రాబోతున్నాడన్నది తెలిసిందే.

క్రిష్ దర్శకత్వంలో గౌతమీ పుత్ర శాతకర్ణిగా తన కెరీర్ లోనే భారీ బడ్జెట్ చిత్రంతో బాలయ్య రాబోతున్నాడు. ఇప్పటిదాకా హేమామాలిని, కబీర్ బేడీ లాంటి బాలీవుడ్ నటులను తీసుకున్న సంగతి తెలిసిందేఇక ఇప్పడు ఈ చిత్రానికి ప్రత్యేకతను తీసుకొచ్చేందుకు మరో ప్రయత్నం చేయబోతున్నారని తెలుస్తోంది. చంద్రబాబు తమ్ముడి కొడుకు, యువనటుడు నారా రోహిత్ ఇందులో నటించబోతున్నాడనే వార్తలు వినవస్తున్నాయి.

శాతకర్ణి అంటే బాలకృష్ణ తనయుడి పాత్రలో ఇందులో నటించబోతున్నాడని సమాచారం. రాజసం ఉట్టి పడే ఈ పాత్రకు నారా రోహిత్ ఫర్ ఫెక్ట్ గా సూటవుతాడని క్రిష్ భావిస్తున్నాడంట. బాలయ్యతో నటించే అవకాశం వస్తే ఎట్టి పరిస్థితుల్లో వదులుకోబోనని ఇదివరకే రోహిత్ చెప్పాడు కూడా. సో.. అన్నీ కుదిరితే మావయ్య సినిమాలో నటించాలన్న అల్లుడి కల తీరినట్లే.  

భాస్కర్