ఇక యాక్షన్ మొదలైంది...!

Posted: 06/22/2016 12:36 PM IST

మెగాస్టార్ చిరంజీవి హీరోగా నటిస్తున్న ప్రతిష్టాత్మక 150వ సినిమా ‘కత్తిలాంటోడు’ షూటింగ్ స్టార్ట్ అవుతోంది. జూన్ 20న షూటింగ్ షురూ చేస్తారన్నారు చిత్ర యూనిట్. కానీ, మూడు రోజులు ఆలస్యంగా జూన్ 23 నుంచి స్టార్ట్ చేస్తున్నారు. ఫస్ట్ డే, ఫస్ట్ షాట్ చిరంజీవి మీదే తీస్తున్నారట. ఈ సినిమా కోసం రామోజీ ఫిల్మ్ సిటీలో స్పెషల్ సెట్ వేశారు. అందులో ఫస్ట్ డే షూటింగ్, నెక్స్ట్ డే 24న హైటెక్ సిటీ ఫ్లైఓవర్ మీద ప్లాన్ చేశారట.

ఆర్టిస్టుల డేట్స్ ను బట్టి షెడ్యూల్స్ ప్లాన్ చేస్తున్నారు. మాస్ డైరెక్టర్ వివి వినాయక్ ఈ సినిమాకి దర్శకత్వం వహిస్తున్న సంగతి తెలిసిందే. కొణిదెల ప్రొడక్షన్స్ బ్యానర్ పై రామ్ చరణ్ ఈ చిత్రాన్ని నిర్మిస్తున్నారు. ఇటీవల అవార్డుల కార్యక్రమంలో చిరంజీవి వేసిన స్టెప్పులు చూసిన తర్వాత మెగా అభిమానుల్లో చిరు రీ ఎంట్రీ పై అంచనాలు పెరిగాయి. ఇప్పుడు వరుస షెడ్యూల్స్ లో సినిమాని పూర్తి చేసి వచ్చే సంక్రాంతికి మెగా అభిమానులకు కానుకగా ఈ సినిమాని రిలీజ్ చేయాలని ప్రయత్నాలు చేస్తున్నారు.

- మూర్తి