గ్యారేజ్ కీ అంతా నిత్యా చేతుల్లోనే...

Posted: 08/04/2016 02:45 PM IST

ఎన్టీఆర్ జనతా గ్యారేజ్ చివరి షెడ్యూల్ శరవేగంగా షూటింగ్ జరుపుకోంటోంది. కేరళ లో చిత్రీకరణ పూర్తికాగానే, హైదరాబాద్ కి వచ్చి కాజల్ తో ఐటెం సాంగ్ కానిచ్చేయాలని యంగ్ టైగర్ చూస్తున్నాడు. అయితే సినిమా పై అంచనాలు పెరిగిపోతున్న కొద్దీ సినిమాకు సంబంధించి లీకులు కూడా ఎక్కవ అయిపోతున్నాయి.

అభిమానులో లేక కావాలని చిత్ర యూనిట్ చేస్తున్న పనో తెలీదుగానీ, గ్యారేజ్ కు సంబంధించి ఇప్పటికే వర్కింగ్ స్టిల్స్, వీడియోలు చాలానే లీక్ అయ్యాయి. తాజాగా కథలో హీరోయిన్ల పాత్రలపై క్లారిటీ అంటూ ఓ వార్త వినిపిస్తోంది. ఈ చిత్రంలో సమంత, నిత్యామీనన్ లు ఎన్టీఆర్ కు జోడీగా నటిస్తున్న సంగతి తెలిసిందే. సమంత ఎన్టీఆర్ ఐఐటీ క్లాస్ మేట్ గా నటిస్తుండగా, నిత్యామీనన్ పాత్ర విషయంలోనే గోప్యతను ప్రదర్శించారు.

తాజా సమాచారం ప్రకారం ఏంటంటే... ఈ సినిమాలో నిత్యామీనన్ ఎన్టీఆర్ వైఫ్ పాత్ర పోషిస్తోందట. సమంతను కేవలం గ్లామర్ డాల్ గా వాడుకోగా, సినిమా మొత్తం నిత్యా చుట్టే తిరుగుతుందని, ఆమె పాత్ర ఖచ్ఛితంగా హైలెట్ అయి తీరుతుందని చిత్ర యూనిట్ నుంచి సమాచారం అందుతోంది. మరి ఈ వార్తలో ఎంత వరకు నిజమో తెలియాలంటే సెప్టెంబర్ 2 దాకా ఆగాల్సిందే.